Hálkublettir eru á Hellisheiði og í Þrengslum en annars er nokkur hálka eða hálkublettir á Suðurlandi, einkum útvegum og sumstaðar er jafnvel þæfingur eða þungfært á sveitavegum. Flughált er á kafla undir Eyjafjöllum.
Á Vesturlandi er víða hálka eða snjóþekja á vegum. Hálka og skafrenningur er á Holtavörðuheiði.
Hálka eða snjóþekja er á vegum á Vestfjörðum. Snjóþekja og skafrenningur er á Steingrímsfjarðarheiði og Þröskuldum.
Það er víðast hvar hálka eða snjóþekja á Norðurlandi og éljagangur nokkuð víða, einkum á Norðausturlandi. Skafrenningur er á Vatnsskarði og á fjallvegum fyrir austan Eyjafjörð og stórhríð á Tjörnesi og í nágrenni Húsavíkur. Þæfingsfærð er á Hólasandi.
Á Austurlandi er víða hálka eða snjóþekja á vegum og skafrenningur og blint á flestum fjallvegum. Þungfært og skafrenningur er á Vatnsskarði eystra og þæfingsfærð og skafrenningur á Fjarðarheiði. Á Fagradal er hálka og einnig skafrenningur og snjóþekja á Oddskarði. Hálka eða hálkublettir eru með suðausturströndinni.