Afgangur á ríkissjóði vex jafnt og þétt

Stefnumið ríkisfjármálaáætlunarinnar fyrir tímabilið 2016-2019 er að afkoma ríkissjóðs skili afgangi í lok tímabilsins.

Umskipti verði í ríkisfjármálum með stöðvun hallarekstrar og skuldasöfnunar ásamt batnandi skuldahlutfalli.

„Mér finnst það standa upp úr að afgangur á ríkissjóði er jafnt og þétt að vaxa. Við erum komin með raunverulega viðspyrnu í ríkisfjármálunum. Þær hagspár sem við höfum dag sýna að við erum að lifa eitt lengsta hagvaxtarskeið seinni ára,“ segir Bjarni Benediktsson fjármálaráðherra í umfjöllun um afkomu ríkissjóðs  í Morgunblaðinu í dag.