Rannsókn lögreglunnar á höfuðborgarsvæðinu á mannsláti í Hafnarfirði í febrúar er nú lokið. Þetta staðfestir Kristján Ingi Kristjánsson, aðstoðaryfirlögregluþjónn í samtali við mbl.is. Að sögn Kristjáns er málið nú komið til embættis Ríkissaksóknara.
Gæsluvarðhaldi yfir konu á sextugsaldri sem var handtekin vegna málsins var framlengt 20. apríl um þrjár vikur. Konan er enn í gæsluvarðhaldi að sögn Kristjáns Inga.
Lögregla var kölluð til í heimahús í Hafnarfirði þar sem maðurinn fannst látinn en þar var konan handtekin. Á manninum, sem var um fertugt, var stungusár, en í tilkynningu lögreglu kom fram að grunur léki á að andlát hans hafi borið að með saknæmum hætti.
Fyrri fréttir mbl.is:
Gæsluvarðhald framlengt um þrjár vikur
Sambýliskonan enn í gæsluvarðhaldi
Konan úrskurðuð í gæsluvarðhald