Þjóðaratkvæðagreiðsla samhliða forsetakjöri

„Ég tel að nú séu fyrir hendi allar forsendur til þess að bæta við stjórnarskrá lýðveldisins ákvæðum sem taka á umhverfis- og auðlindamálum, þjóðaratkvæðgreiðslu og takmörkuðu framsali valdheimilda, sem bera mætti undir þjóðaratkvæði samhliða forsetakosningum á næsta ári.“

Þetta segir Bjarni Benediktsson fjármálaráðherra m.a. í aðsendri grein í Morgunblaðinu í dag.

Segir hann þar, að standa verði vel að undirbúningi málsins og rekstri þess á Alþingi á komandi hausti. „Grundvöllur þess er gott samstarf stjórnar og stjórnarandstöðu.“