Skoraði á stjórn sjóðsins að áfrýja

Bæjarráð Fjallabyggðar skoraði í fyrrakvöld á stjórn Afls – sparisjóðs að áfrýja til Hæstaréttar máli sem sjóðurinn tapaði gegn eiganda sínum, Arion banka, í héraðsdómi.

Stefán Pétursson, framkvæmdastjóri fjármálasviðs Arion banka og formaður stjórnar Afls – sparisjóðs (sem áður var Sparisjóður Siglufjarðar og Sparisjóður Skagafjarðar), segir í samtali í Morgunblaðinu í dag, að að stjórn Afls hefði í gærmorgun sent áfrýjunarstefnu til Hæstaréttar.

Gunnar Birgisson, bæjarstjóri Fjallabyggðar, segir í blaðinu, að miklir hagsmunir geti verið í húfi fyrir íbúa Siglufjarðar og Skagafjarðar ef Hæstiréttur snýr við dómi Héraðsdóms Reykjavíkur.