Ekki verður tekið á móti nýjum skjúklingum á sjúkrahóteli Landspítalans við Ármúla á meðan Smáþjóðaleikunum stendur í byrjun júní en bæði keppendur og fylgdarlið munu gista á hótelinu frá 1. til 8. júní nk.
Hótelið var tvíbókað og kom það forráðamönnum Landspítalans í opna skjöldu þegar sjúklingum þeirra var sagt að aðrir þyrftu herbergin, að því er fram kemur í Morgunblaðinu í dag.
Sjúkrahótelið er hugsað sem úrræði fyrir þá sem þurfa heilsu sinnar vegna að dvelja fjarri heimabyggð vegna rannsókna og meðferða. Það nýtist einnig þeim sem hafa dvalið á sjúkrahúsi sem liður í frekari endurhæfingu og bata. Ekki er hægt að gista á hótelinu nema læknir eða hjúkrunarfræðingur hafi skrifað upp á tilvísun þess efnis.