Mikil óvissa er með sölu á makrílafurðum á vertíðinni, sem er að komast í fullan gang. Nýjast í þeim efnum er að yfirvöld í Nígeríu hafa tilkynnt bann á innflutningi á fiski og fjölmörgum fleiri vöruflokkum.

Til Nígeríu fóru yfir 20 þúsund tonn af frystum makríl í fyrra og voru Nígeríumenn, ásamt Rússum, stærstu kaupendur makríls héðan. Þessi staða bætist ofan á erfiða stöðu á Rússlandsmarkaði, vegna efnahagsástandsins í landinu, en að auki hefur landið verið lokað nokkrum stórum útflytjendum héðan síðustu mánuði vegna skilyrða sem Rússar kynntu í fyrrahaust.

Sigurgeir Brynjar Kristgeirsson, framkvæmdastjóri Vinnslustöðvarinnar, segir að staðan á mörkuðum sé grafalvarleg. Lokunin í Nígeríu frá síðustu mánaðamótum sé enn eitt áfallið, en markaðurinn þar hafi skipt miklu og vaxandi máli síðustu ár.

Tengdar fréttir

Makrílveiðar

Munu reyna til hins ýtrasta að ná samkomulagi

• Samkomulag um ráðgjöf en ekki um veiði
• Leggja til 24% samdrátt í síldarkvóta
• Vilja viðskiptaaðgerðir gegn Noregi og Færeyjum
• „Við höfum ekkert gaman af svartsýni“

» Fleiri tengdar fréttir