Útlit er fyrir að frumvarp um stjórn fiskveiða verði ekki lagt fram á Alþingi í bráð, en frumvarpið er ekki að finna á þingmálalista sem lagður hefur verið fram fyrir komandi þing.

Sigurður Ingi Jóhannsson sjávarútvegsráðherra segir í Morgunblaðinu í dag, að ekki sé samstaða á milli flokka á Alþingi til þess að klára málið.

Telur hann að óháð úttekt utanaðkomandi aðila á fiskveiðistjórnunarkerfinu þurfi að koma til svo að hægt sé að skapa sátt um ákveðin grunnatriði fiskveiðistjórnunarkerfisins. Að sögn Sigurðar myndi slík úttekt varpa ljósi á það fyrir hvað fiskveiðistjórnunarkerfið standi og galla þess, og færa umræðuna um kerfið í heild sinni á málefnalegan grundvöll.

Tengdar fréttir

Kvótafrumvarp

Skilar smám saman auknum heimildum

• Mikið fer til samfélagsins
• Álagning veiðigjalda minnkaði
• Þrjú útgerðarfélög fengu 21,5%
• Smábátasjómenn til umboðsmanns

» Fleiri tengdar fréttir