Kanadíska poppstjarnan Justin Bieber er nú á landinu en hann fékk sér kaffi á Kaffitári í Reykjanesbæ fyrr í dag. Að sögn Ninnu Stefánsdóttur, stafsmanns Kaffitárs, var Bieber mjög kurteis og almennilegur.

Það var Nútíminn sem sagði fyrst frá því að Bieber væri staddur í Reykjanesbæ.

„Hann var bara mjög hress. Hann pantaði sér tvöfaldan cappuccino,“ segir Ninna í samtali við mbl.is. Aðspurð hvort hún hafi gert sér strax grein fyrir því að um stórstjörnuna væri að ræða svarar Ninna því neitandi. „Hann kom fyrst bara einn inn og þá hélt ég kannski að þetta væri bara einhver líkur honum. En þegar að lífverðirnir komu inni fattaði ég að þetta væri hann.“

Ninna segir að Bieber og lífverðirnir hafi allir verið mjög kurteisir við starfsfólk Kaffitárs og greint frá því að þeir myndu vera á landinu í tvo daga.

Ásdís Ásgeirsdóttir

Tengdar fréttir

Justin Bieber

Eru heitustu hjónin í Hollywood að skilja?

• Gagnrýnir hatur og hótanir í garð Hailey Bieber
• Bieber aflýsir aftur tónleikum
• Þess vegna elskar Mariah Carey jólin
• Stjörnum prýdd útför rappara

» Fleiri tengdar fréttir

• Blogga um frétt