Rennsli í Skaftá enn eins og við hámark venjulegs hlaups
Setja bókamerki
Vatnsflæðið í Skaftá náði hámarki um hádegið í gær en enn er flæðið eins og við hámark venjulegs flóðs, að sögn Snorras Zóphóníasarsonar, sérfræðings í vatnamælingum hjá Veðurstofunni.
„Ég óttast að jökulvatnið muni renna fram úr hrauninu í læki í Landbroti. Þetta mun standa í meira en viku og mikið rennsli verður alveg út mánuðinn,“ sagði Snorri.
Tvísýnt er enn um hvort loka þarf hringveginum vegna hlaupsins. Vatn hefur safnast í dyngjur við veginn og ljóst að streyma mun meðfram veginum í nokkurn tíma. Búist er við að það taki nokkrar vikur áður en vatnafar á svæðinu kemst í venjulegt horf á ný.
Lokanir víkkaðar út
Vatn er að safnast í hraun á svæðinu og segir Sveinn Rúnar Kristjánsson, yfirlögregluþjónn á Suðurandi, framhaldið líklegast ráðast af því hvað hraunið takið lengi við og hvernig það skili vatninu af sér. Lokanir hafa verið útvíkkaðar og lokað fyrir Fjallabaksleið nyrðri við Hvamm í Skaftártungu vegna flóðsins.
Hlaupið er óvenju stórt að þessu sinni en Snorri Zóphóníasarson telur skýringa á því helst að leita í því hvers vegna vatnið hafi safnast svo lengi saman að þessu sinni án þess að það hlaupi. „Afköstin í jarðhitaplötunni þarna, reiknast mönnum til, er um 1300MW en söfnunarhraðinn á vatninu, þ.e. afköst jarðhitasvæðsins, hefur verið nokkuð stöðugur. Hvernig stóð á því að vatnið hélst svona lengi inni í jöklinum hef ég hins vegar ekki séð skýringu á.“
Handteknir eftir myndatöku í Vesturbæjarlaug
„Höfum ekki náð að skríða upp úr þeirri gryfju“
Kostnaður meiri en milljón á fermetra
Sex hafa greinst með listeríu
Eyjafjarðarbraut lokað vegna alvarlegs umferðarslyss
Væri að ljúga ef ég segðist ekki stressaður
Skar höfuðleðrið af íslenskri konu