„Ég verð eiginlega að vera alveg hreinskilinn ég veit ekki neitt eiginlega,“ segir Jón Gunnar Ingólfsson, nemandi í Flensborgarskólanum, aðspurður hvað hann viti um flóttamannavandann. Þetta sé algengt hjá ungu fólki sem gjarna sé upptekið af sjálfu sér en leggi sig ekki nóg fram við að kynna sér ástandið í heiminum.
Haldið var upp á afmæli Flensborgarskólans í Hafnarfirði fyrir helgi en skólinn var stofnaður fyrsta október 1882. Í tilefni dagsins komu fjölmargir fyrirlesarar í heimsókn í skólann til að ræða um jafnrétti, samábyrgð og flóttamannavanda jarðarbúa við krakkana í skólanum.
mbl.is ræddi við nokkra nemendur við tilefnið sem voru sammála um að það hefði verið gott að kynna sér málið með þessum hætti og voru augljóslega betur upplýstir eftir daginn.