Tæplega 43% erlendra ferðamanna sem komu hingað til lands í fyrra yfir vetrarmánuðina fóru í norðurljósaferð.
Ferðamálastofa hóf nýlega könnun á vetrarferðavenjum ferðamanna hér á landi fyrir árið 2015 og vísbendingar eru um að hlutfallið sé svipað. Fjölmörg fyrirtæki bjóða upp á norðurljósaferðir og fjöldi hótela býður upp á norðurljósavakningu.
Í umfjöllun um mál þetta í Morgunblaðinu í dag eru viðmælendur blaðsins á einu máli um að ferðirnar byrji vel. Í Mývatnssveit eru gestir Sel hótelsins vaktir og skráir mikill meirihluti gesta sig í norðurljósavakningu.