Rúmlega 20 þúsund heilsdagsígildi voru í leikskólum á Íslandi árið 2014. Hafði börnum á leikskóla þá fjölgað um 2% frá því árið á undan.
Þetta er meðal þess sem fram kemur í Tíðindum, tímariti Sambands sveitarfélaga á Íslandi, sem kom út í nóvember.
Í tölfræðiupplýsingum sem þar eru framsettar má sjá ýmsar tölur um rekstrarkostnað leikskóla í landinu. Fram kemur að heildarrekstrarkostnaður var 31,6 milljarðar króna þegar ekki er tekið tillit til innri leigu, að því er fram kemur í Morgunblaðinu í dag.