Snjódýptin í Reykjavík mældist 42 sentímetrar klukkan níu í morgun og hefur ekki mælst meiri í desember frá því mælingar hófust.
Á vef Veðurstofu Íslands kemur fram að fyrra metið er síðan árið 2011 þegar 29. desember mældist 33 cm snjódýpt í höfuðborginni.
Það stefnir því jafnvel í að snjódýptarmetið í Reykjavík geti fallið síðar í vikunni en núgildandi met er síðan 18. janúar 1937 er snjódýptin mældist 55 cm.
Til samanburðar mældist snjódýptin á laugardagsmorguninn 32 cm í Reykjavík en í dag er hún 10 cm meiri eða 42 cm.