„Fyrir hvað er ég ákærður?“

Sigurjón Árnason og Ívar Guðjónsson ásamt verjanda Sigurjóns. Myndin er ...
Sigurjón Árnason og Ívar Guðjónsson ásamt verjanda Sigurjóns. Myndin er frá aðalmeðferð málsins fyrir héraðsdómi. mbl.is/Árni Sæberg

Skortur á sönnunarfærslu, engin sýnileg gögn sem benda til markaðsmisnotkunar, leiðandi skýrslutökur og tilvitnanir í rússneskt réttarfar eru meðal þess sem kom fram í máli verjenda í markaðsmisnotkunarmáli Landsbankans í dag í Hæstarétti. Í málinu eru fjórir fyrrum starfsmenn bankans ákærðir fyrir að hafa haldið verði á hlutabréfum bankans uppi með ólögmætum hætti. Ímon-málið svokallaða hafði áður verið hluti af þessu máli, en var skorið frá og réttað sérstaklega í því. Þar voru þrír starfsmenn fundnir sekir um umboðssvik og markaðsmisnotkun. Meðan markaðsmisnotkunarmálið er svokallað kauphliðarmál, þá var Ímon-málið söluhliðarmál.

Í þessu máli eru ákærðir Sig­ur­jón Árna­son, fyrr­ver­andi banka­stjóri Lands­bank­ans, Ívar Guðjóns­son, fyrr­ver­andi for­stöðumaður eig­in fjár­fest­inga bank­ans, og tveir fyrr­ver­andi starfs­menn sömu deild­ar, Sindri Sveins­son og Júlí­us S. Heiðars­son. Menn­irn­ir eru ákærðir fyr­ir markaðsmis­notk­un með því að tryggja „óeðli­legt verð“ á hluta­bréf­um í bank­an­um á tíma­bil­inu frá 1. nóv­em­ber 2007 til og með 3. októ­ber 2008. Hafi það verið gert með kaup­um á bréf­um í bank­an­um sem „voru lík­leg til að gefa eft­ir­spurn og verð hluta­bréf­anna rang­lega og mis­vís­andi til kynna,“ eins og seg­ir í ákæru.

Engin sýnileg gögn um sekt

Verjandi Sigurjóns sagði við upphaf málflutningsræðu sinnar að fyrst bæri að horfa til þess að í málinu væru engin sýnileg gögn sem styddu máltilbúnað ákæruvaldsins um að umrædd brot hefðu verið framin að yfirlagi Sigurjóns. Benti hann á að engir tölvupóstar hefðu fundist frá Sigurjóni til hinna ákærðu í málinu sem tengdust kaupum á bréfunum. Þá væru heldur engin endurrit úr símtölum milli Sigurjóns og hinna sem tengdu hann við málið.

Sagði verjandinn þetta vera allt aðra stöðu en í mörgum öðrum sambærilegum málum þar sem þó væru til einhver raunveruleg gögn. Í þessu máli væri byggt á að vegna þess að Sigurjón hafi haft aðgang að gögnum sem gætu varðað málið að þá hafi hann verið þátttakandi í þeim.

Segir ekki hægt að endurskoða sýknuhluta dóms héraðsdóms

Þá benti hann á, eins og aðrir verjendur gerðu einnig, að í dómi héraðsdóms hefðu ákærðu verið sýknaðir af mögulegum brotum frá 1. nóvember 2007 til 26. september 2008. Þar hafi héraðsdómur ekki talið sannað að óeðlileg háttsemi hafi átt sér stað eða að viðskipti hafi verið út fyrir það sem eðlilegt mátti þykja hjá deild eigin viðskipta með kaup í hlutabréfum í Landsbankanum.

Sagði verjandinn að Hæstiréttur gæti ekki endurskoðað þessa sýknu, þar sem þá þyrfti að halda aðrar vitnaleiðslur, en sýknan hafi að mestu leyti byggt á munnlegum framburði. Það hafi ekki verið gert og því sé aðeins tímabilið frá 26. september til 3. október 2008 til skoðunar.

Sigurjón Þ. Árnason, fyrrum bankastjóri Landsbankans er ákærður í málinu ...
Sigurjón Þ. Árnason, fyrrum bankastjóri Landsbankans er ákærður í málinu fyrir að hafa látið undirmenn sýna stunda markaðsmisnotkun. mbl.is/Þórður

Saksóknari búinn að kasta inn hvíta handklæðinu

Sakfellingin fyrir þetta tímabil var þó röng að hans sögn og sagði verjandinn að saksóknari hefði í sinni málflutningsræðu fyrr um daginn dregið verulega í land. „Ákæruvaldið er búið að kasta inn hvíta handklæðinu og gefast upp,“ sagði hann og bætti við að í fjölda liða sem saksóknari hafi stuðst við í málinu hafi hún nú sagt að Sigurjón hafi „ekki lagt á ráðin, heldur gert kleift.“ Sagði verjandinn að þarna væri grundvallarmunur á sem þurfi að taka mikið mið af, enda sé í markaðsmisnotkunarmálum nauðsynlegt að sýna fram á ásetning með broti. Það að hafa gert einhverjum kleift að brjóta af sér sé ekki það sama og sekt í málinu.

Verjandi Ívars í málinu sagði ásakanir ákæruvaldsins vera of almenns eðlis og að engar upplýsingar  væri að finna í ákærunni og gögnum málsins sem uppfylltu kröfuna um að sýna fram á sekt með ákveðnum gjörningi eða hegðun. Ítrekaði hann einnig að Ívar hefði ekki haft heimild til að framkvæma þau viðskipti sem ákært er fyrir, en ákæruvaldið segir hann hafa gefið skipanir til undirmanna sinna um viðskiptin sem ákært er fyrir.

„Fyrir hvað er ég ákærður?

Verjandi Júlíusar fór víða í málsvörn sinni en hann gagnrýndi meðal annars hvernig skýrslutaka hefði verið í málinu og las upp nokkrar tilvitnanir þar sem lögreglumenn sögðu við Júlíus að hann hefði framið brot og báðu hann um að skýra það.

Þá tiltók verjandinn, eins og verjandi Sigurjóns, að erfitt væri að átta sig á í hverju ákæran fælist nákvæmlega og hvaða atriðum væri beint að hvaða aðilum. Sagði hann að eftir að hann og Júlíus hafi setið lengi og lesið yfir þúsund blaðsíður af gögnum í málinu hafi Júlíus spurt hann einlægrar spurningar: „Fyrir hvað er ég ákærður?“ Sagði hann að ákærðu í málinu nái illa yfirsýn í málinu, enda um gríðarlegt magn upplýsinga að ræða.

„Rússar gætu verið stoltir af þessari framsetningu“

Rifjaði hann upp samtal sitt við Bill Browder nýlega, en Browder skrifaði bókina Eftirlýstur sem fjallar um fjármála- og dómsumhverfið í Rússlandi. Hafði Browder lýst því þannig að í Rússlandi hefði fyrst verið ákveðið hverir væru sekir, svo væri fundið fyrir hvað þeir væru sekir og seinast týnd til sönnunargögn. Sagði hann upplifun sína í þessu máli vera svipaða og að „Rússar gætu verið stoltir af þessari framsetningu“ sem ákæruvaldið setji fram.

Refsar mönnum ekki fyrir samstarfsmenn þeirra

Verjandi Sindra, sem var sýknaður í héraðsdómi, krafðist þess að rétturinn myndi aðeins refsa hverjum og einum fyrir hans þátt í málinu og benti á dóm í yfir 24 einstaklingum frá 1950 sem höfðu tekið þátt í Nató-mótmælunum. Sagði hann að þar hefði hlutdeild hvers og eins verið reifuð í dómi og gert refsing eftir því. Það ætti einnig að vera hægt í þessu máli. „Það er ekki hægt að refsa mönnum fyrir að vera samstarfsmenn annarra,“ sagði hann.

mbl.is

Bloggað um fréttina

Innlent »

„Boltinn er hjá Air Berlin“

11:12 „Staðan er óbreytt, vélin er ennþá á Keflavíkurflugvelli og við bíðum eftir að heyra frá Air Berlin,“ segir Guðni Sigurðsson, upplýsingafulltrúi Isavia í samtali við mbl.is. Meira »

Reglur í endurskoðun og horft til Uber

11:10 Nýr starfshópur hefur verið skipaður af samgöngu- og sveitarstjórnarráðherra til að endurskoða regluverk um leigubifreiðaakstur. „Markmið verkefnisins er að leigubifreiðaakstur hér á landi stuðli að góðu aðgengi og hagkvæmri, skilvirkri og öruggri leigubifreiðaþjónustu fyrir neytendur.“ Meira »

Mary og Sunday komin með dvalarleyfi

11:10 Nígerísku hjónin Sunday Iserien og Joy Lucky og dóttir þeirra Mary eru komin með dvalarleyfi hér á landi. Þetta staðfestir Guðmundur Karl Karlsson vinur fjölskyldunnar.„Sunday var að hringja í mig alveg í skýjunum til að segja mér fréttirnar,“ segir hann. „Hann fór í morgun og fékk þessa niðurstöðu“ Meira »

Kosið á einum stað í Reykjanesbæ

10:57 Kjósendur í Reykjanesbæ munu greiða atkvæði á nýjum kjörstað, Fjölbrautaskóla Suðurnesja, í alþingiskosningunum um næstu helgi. Meira »

Fjölskyldan frá Gana fær dvalarleyfi

10:41 Fjölskyldan frá Gana, móðirin Mercy Ky­eremeh og drengir henn­ar þrír, Godw­in fimm ára, Emm­anu­ele fjög­urra ára og ný­fætt barn hennar, fengu í dag dvalarleyfi á grundvelli mannúðarsjónarmiða. „Þetta er mikið gleðiefni,“ segir Magnús Davíð Norðdahl hdl. lögmaður fjölskyldunnar. Meira »

Helmingur fyrirtækja stundar nýsköpun

10:21 Helmingur fyrirtækja á Íslandi, sem eru með 10 starfsmenn eða fleiri, leggur stund á nýsköpun. Þetta er niðurstaða mælinga Hagstofunnar sem nær til áranna 2014-2016, en með nýsköpun er þar vísað til þess að fyrirtækin setji nýjar vörur eða þjónustu á markað, eða innleiði nýja verkferla. Meira »

Stefna í loftslagsmálum hefur áhrif á flokkaval

10:03 Stefna stjórnmálaflokka í náttúruvernd og loftslagsmálum skiptir miklu við val á flokki samkvæmt nýrri könnun sem Gallup vann fyrir Náttúruverndarsamtök Íslands. Töldu tveir þriðju aðspurðra stefnu flokkanna varðandi þessa tvo málaflokka skipta miklu máli. Meira »

Stal 18 þúsund króna kampavínsflösku

10:14 Karlmaður á þrítugsaldri var staðinn að því um helgina að stela kampavínsflösku á skemmtistað í umdæmi lögreglunnar á Suðurnesjum. Samkvæmt tilkynningu frá lögreglu kostaði flaskan átján þúsund krónur. Meira »

Þriðjungur þingheims nýtt fólk

09:51 21 nýr þingmaður mun taka sæti á Alþingi eftir kosningar, samkvæmt nýjustu könnun Félagsvísindastofnunar. Þar af eru nokkur kunnugleg andlit sem áður hafa sést í þingsölum. Meðal nýju-gömlu þingmannanna eru Ásmundur Einar Daðason, Willum Þór Þórsson, Helgi Hrafn Gunnarsson og Ágúst Ólafur Ágústsson. Meira »

RÚV dró upp „kolranga mynd“

09:10 Sigurður Kári Kristjánsson, fyrrverandi alþingismaður Sjálfstæðisflokksins, segir að Ríkissjónvarpið hafi dregið upp kolranga mynd af þeim atburðum sem áttu sér stað eftir hrun í umfjöllun sinni á laugardagskvöld um samskipti Bjarna Benediktssonar forsætisráðherra við Glitni fyrir og eftir hrun. Meira »

Glitnir höfðar staðfestingarmál

08:49 Glitnir HoldCo ehf. höfðar í dag staðfestingarmál fyrir Héraðsdómi Reykjavíkur vegna lögbannsins sem sett var á fréttaflutning Stundarinnar og Reykjavík Media af viðskiptavinum Glitnis. Þetta staðfestir Ingólfur Hauksson, forstjóri Glitnir HoldCo, í samtali við mbl.is. Meira »

Víkingaveröld í Mosfellsdal

08:18 Nýtt deiliskipulag fyrir Langahrygg í Mosfellsdal er í kynningu þessa dagana. „Hugmyndin gengur út á að reisa einskonar „víkingaveröld“ sem gæfi innsýn í það umhverfi sem menn bjuggu við á þjóðveldisöld (11. og 12. öld).“ Meira »

Þurfa nýja augasteina eftir Flórídana-tappann

08:08 Að minnsta kosti tveir þeirra sem slösuðust er plasttappi af Flórídana-ávaxtasafaflösku þeyttist framan í þá af miklum krafti þurfa að gangast undir aðgerð og fá nýja augasteina. Mikill þrýstingur myndaðist í flöskunum og olli því tapparnir þeyttust af þeim af miklum krafti þegar þær voru opnaðar. Meira »

Gagnrýndi Trump í þakkarræðu

07:57 Kári Stefánsson, forstjóri Íslenskrar erfðagreiningar, tók í síðustu viku á móti æðstu viðurkenningu Bandarísku erfðafræðisamtakanna, ASHG. Verðlaunin eru kennd við William Allan og hafa verið veitt árlega síðan 1961. Þau eru veitt fyrir framúrskarandi framlag til erfðavísindanna og þykir mikill heiður að hljóta þau. Meira »

Tók brjálæðiskast inni á heimili

07:18 Óskað var aðstoðar lögreglu eftir að ölvuð og æst kona, sem var gestkomandi í heimahúsi, hafði ráðist á húsráðandann, sem var vinkona hennar. Einnig barst beiðni um aðstoð vegna 17 ára stráks sem tók brjálæðiskast inni á heimili í nótt og skemmdi mikið af innanstokksmunum. Meira »

Stjórnmálin verða að breytast

08:00 Helgi Hrafn Gunnarsson, oddviti Pírata í Reykjavík norður, segir kosningarnar í haust snúast um traust til stjórnmálanna sjálfra. Við, sem þjóð, þurfum stjórnmálamenn sem vilji breyta regluverkinu sjálfu svo að traustið verði verðskuldað. Meira »

Málefni flokka á landsvísu ráða mestu

07:37 Málefni flokksins á landsvísu ræður mestu um það hvaða flokkur fær atkvæði í alþingiskosningunum, samkvæmt skoðanakönnun Félagsvísindastofnunar fyrir Morgunblaðið. Meira »

Vara við hviðum undir Eyjafjöllum

06:55 Strekkings austlæg átt og fremur vætusamt verður suðaustan til á landinu fram undir hádegi, en mun úrkomuminna annars staðar. Varar Veðurstofan við því að búast megi við snörpum vindhviðum undir Eyjafjöllum og í Mýrdal fram eftir morgni. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

Vélstjóra vantar
Vélstjóra vantar á Fríðu Dagmar 2817, ÍS103. Báturinn er 29,9 brt. vélarstærð 6...
VIÐHALD FASTEIGNA
Við þjónustum þig með lítil sem stór verk. Tímavinna eða tilboð. sími: 544-44...
Lagerhreinsun - stakar stærðir
LAGERHREINSUN stakar stærðir Kr. 3.900.- kr. 3.900.- Laugavegi 178 Sími 551 2070...
2ja daga ljósmyndanámskeið 23. + 24. okt
2ja DAGA LJÓSMYNDANÁMSKEIÐ 23. og 24. okt. 2ja daga byrjenda ljósmyndanámskei...
 
Eldri borgarar
Staður og stund
Aflagrandi 40 Við byrjum daginn á opnu v...
Eldri borgarar
Staður og stund
Aflagrandi 40 Það er opin vinnustofa hjá...
Samkoma
Félagsstarf
Samkoma kl. 20 í Kristniboðs- salnum. R...
Uppboð á ökutökjum
Uppboð
Sýslumaðurinn á Norðurlandi eystra Haf...