Fyrsti „staki“ frambjóðandinn

Giedre er fyrsti einstaklingurinn til að bjóða sig fram utan ...
Giedre er fyrsti einstaklingurinn til að bjóða sig fram utan flokka frá árinu 1974. mbl.is/Golli

Giedre Razgute nýtur einstakrar sérstöðu í kosningum til Stúdentaráðs Háskóla Íslands þetta árið. Sem fyrr eru langlífustu stúdentafylkingar háskólans, Vaka og Röskva, með sinn framboðslistann á sínu sviði sem hægt er að kjósa í heild eða velja úr en Giedre tilheyrir hvorugum flokknum. Hún er nefnilega fyrsti einstaklingurinn til að bjóða sig fram utan flokka frá árinu 1974.

„Ég kom til Íslands haustið 2014 til að læra íslensku,“ segir Giedre. „Þegar ég kom vildi ég vita meira um hvernig allt virkar hérna í háskólanum, stúdentalífið og Stúdentaráð svo ég las um ráðið og hvað það gerir. Ég kynntist líka krökkum úr Skrökvu og þau sögðu mér frá því að það væri hægt að fara í einstaklingsframboð. Ég varð svo spennt og fannst það mjög freistandi en það var of seint að gera það í fyrra. Þegar Stúdentaráð sendi póst um kosningarnar í ár hugsaði ég að það gæti verið gaman að bjóða mig fram.“

Sögulegt skref í nýju landi

Stúdentaráð Háskóla Íslands á sér langa sögu og hafa ýmsar stúdentafylkingar sett mark sitt á starf þess. Ráðið var stofnað árið 1920 en árið 1933 voru fyrst teknar upp listakosningar. Árið 1960 voru listakosningar aflagðar og var þess í stað kosið um einstaklinga en árið 1975 var aftur komið á flokkakerfi. 

Stúdentafylkingin Skrökva, félag flokksbundinna framapotara, sem Giedre kynntist í háskólanum, var stofnuð árið 2010. Fylkingin var að hluta til ádeila á aðrar fylkingar en hafði þó það skýra stefnumál að koma á möguleikanum á einstaklingsframboðum til Stúdentaráðs. Það varð að veruleika árið 2013 þegar fyrst var kosið í svokölluð sviðsráð. Þá bauðst nemendum í fyrsta skipti að bjóða sig fram utan flokka en þar til Giedre kom til sögunnar hafði enginn tekið það skref. Hún er því fyrsti „staki“ frambjóðandinn í yfir 40 ár.

Ástæðuna fyrir því að hún ákvað að bjóða sig fram með þessum hætti segir hún vera þá að hún hafi einfaldlega viljað prófa að ríða á vaðið og sjá hvað yrði.

„Það er líka gaman að koma til nýs lands og gera eitthvað svona sögulegt, koma við sögu háskólans og Stúdentaráðs. Nú er ég byrjuð að sjá kostina og gallana. Ég hef stuttan tíma til að kynna mig fyrir öllum. Enginn þekkir mig en allir þekkja Röskvu og Vöku. Kostirnir...j á, góð spurning,“ segir hún og skellihlær.

 „Það er gaman að geta gert þetta sem einstaklingur. Ég fæ að ákveða hvað ég vil og þarf ekki að ráðskast við neinn annan af því að ég er bara ein.“

Framboðsefni Giedre er fjörlegt en lágstemmt samanborið við veggspjöld og ...
Framboðsefni Giedre er fjörlegt en lágstemmt samanborið við veggspjöld og kosningablöð fylkinganna.

Erlendir stúdentar í sérstakri stöðu

Vaka og Röskva gefa jafnan út kosningablöð ár hvert og þá yfirleitt með kosningaloforðum eða markmiðum fyrir hvert svið. Sem einstaklingur fer Giedre ekki út í slíka útgáfu en henni er sérstaklega umhugað um hag erlendra nema við skólann og þá helst samnemenda sinna í íslensku sem öðru máli sem er námsbraut til BA gráðu á hugvísindasviði.

„Ég vil draga athygli að því að við erum í sérstakri stöðu í háskólanum. Við erum ekki íslenskir nemendur en erum samt ekki erlendir skiptinemar. Við tölum íslensku en þó ekki fullkomlega. Við viljum æfa málið en getum kannski ekki tekið þátt í stúdentalífinu á sama hátt og Íslendingar gera.“

Hún segir marga erlenda nemendur oft ekki vita um alla þá möguleika sem háskólinn hefur upp á að bjóða, t.d. hvað varðar nemendafélög og stúdentapólitík. Verði hún kosin kveðst hún geta verið einskonar tengiliður milli þessa hóps og Stúdentaráðs.

Giedre segir framboði sínu hafa verið vel tekið. Henni hafi borist jákvæð skilaboð frá stúlku í Stúdentaráði, gríðarlegur stuðningur frá Skrökvu og jafnframt eigi hún gott bakland í námsfélögum sínum sem styðja við bakið á henni. 

Íslenskan er alvöru nám

 Giedre hefur mikinn áhuga á tungumálum og á Norðurlöndunum. Hún kom hingað til lands gagngert til þess að læra íslensku og hlaut til þess styrk frá Stofnun Árna Magnússonar. 

„Ég er á öðru ári núna sem er ógeðslega erfitt,“ segir hún, mæðuleg og glettin í senn. „Þetta er alvöru BA nám, ekki bara námskeið fyrir þá sem koma hingað til að vinna eða eitthvað slíkt. Stundum segi ég fólki að ég sé að læra íslensku í háskólanum og því finnst eins og ég sé bara erlendur skiptinemi sem kom á námskeið.“

Hún segir fólk ekki gera sér grein fyrir því í hverju gráðan felst og að námið feli ekki aðeins í sér grunnþekkingu á málinu heldur taki nemendur t.d. kúrsa í málvísindum og bókmenntafræði og það allt á íslensku. Má þess geta að samtal Giedre við mbl.is fer alfarið fram á íslensku enda talar hún málið eins og hún hafi búið hér í í fjölda ára en ekki aðeins síðan 2014.

„Ég vil hvetja Íslendinga til að tala íslensku við fólk sem talar ekki góða íslensku, að skipta ekki yfir í ensku strax. Ég veit það getur verið pínulítið pirrandi til að byrja með og að við notum ekki alltaf rétt fall, ég fékk sjálf ekki góða einkunn í beygingarfræði, en það er mikilvægt fyrir okkur að æfa málið.“

Við vinnslu fréttarinnar var notast við lokaritgerð Gunnars Harðar Garðarssonar Framboð gegn kerfinu. Fylkingar í Stúdentaráði Háskóla Íslands sem er aðgengileg á Skemmunni.

mbl.is

Innlent »

„Boltinn er hjá Air Berlin“

11:12 „Staðan er óbreytt, vélin er ennþá á Keflavíkurflugvelli og við bíðum eftir að heyra frá Air Berlin,“ segir Guðni Sigurðsson, upplýsingafulltrúi Isavia í samtali við mbl.is. Meira »

Reglur í endurskoðun og horft til Uber

11:10 Nýr starfshópur hefur verið skipaður af samgöngu- og sveitarstjórnarráðherra til að endurskoða regluverk um leigubifreiðaakstur. „Markmið verkefnisins er að leigubifreiðaakstur hér á landi stuðli að góðu aðgengi og hagkvæmri, skilvirkri og öruggri leigubifreiðaþjónustu fyrir neytendur.“ Meira »

Mary og Sunday komin með dvalarleyfi

11:10 Nígerísku hjónin Sunday Iserien og Joy Lucky og dóttir þeirra Mary eru komin með dvalarleyfi hér á landi. Þetta staðfestir Guðmundur Karl Karlsson vinur fjölskyldunnar.„Sunday var að hringja í mig alveg í skýjunum til að segja mér fréttirnar,“ segir hann. „Hann fór í morgun og fékk þessa niðurstöðu“ Meira »

Kosið á einum stað í Reykjanesbæ

10:57 Kjósendur í Reykjanesbæ munu greiða atkvæði á nýjum kjörstað, Fjölbrautaskóla Suðurnesja, í alþingiskosningunum um næstu helgi. Meira »

Fjölskyldan frá Gana fær dvalarleyfi

10:41 Fjölskyldan frá Gana, móðirin Mercy Ky­eremeh og drengir henn­ar þrír, Godw­in fimm ára, Emm­anu­ele fjög­urra ára og ný­fætt barn hennar, fengu í dag dvalarleyfi á grundvelli mannúðarsjónarmiða. „Þetta er mikið gleðiefni,“ segir Magnús Davíð Norðdahl hdl. lögmaður fjölskyldunnar. Meira »

Helmingur fyrirtækja stundar nýsköpun

10:21 Helmingur fyrirtækja á Íslandi, sem eru með 10 starfsmenn eða fleiri, leggur stund á nýsköpun. Þetta er niðurstaða mælinga Hagstofunnar sem nær til áranna 2014-2016, en með nýsköpun er þar vísað til þess að fyrirtækin setji nýjar vörur eða þjónustu á markað, eða innleiði nýja verkferla. Meira »

Stefna í loftslagsmálum hefur áhrif á flokkaval

10:03 Stefna stjórnmálaflokka í náttúruvernd og loftslagsmálum skiptir miklu við val á flokki samkvæmt nýrri könnun sem Gallup vann fyrir Náttúruverndarsamtök Íslands. Töldu tveir þriðju aðspurðra stefnu flokkanna varðandi þessa tvo málaflokka skipta miklu máli. Meira »

Stal 18 þúsund króna kampavínsflösku

10:14 Karlmaður á þrítugsaldri var staðinn að því um helgina að stela kampavínsflösku á skemmtistað í umdæmi lögreglunnar á Suðurnesjum. Samkvæmt tilkynningu frá lögreglu kostaði flaskan átján þúsund krónur. Meira »

Þriðjungur þingheims nýtt fólk

09:51 21 nýr þingmaður mun taka sæti á Alþingi eftir kosningar, samkvæmt nýjustu könnun Félagsvísindastofnunar. Þar af eru nokkur kunnugleg andlit sem áður hafa sést í þingsölum. Meðal nýju-gömlu þingmannanna eru Ásmundur Einar Daðason, Willum Þór Þórsson, Helgi Hrafn Gunnarsson og Ágúst Ólafur Ágústsson. Meira »

RÚV dró upp „kolranga mynd“

09:10 Sigurður Kári Kristjánsson, fyrrverandi alþingismaður Sjálfstæðisflokksins, segir að Ríkissjónvarpið hafi dregið upp kolranga mynd af þeim atburðum sem áttu sér stað eftir hrun í umfjöllun sinni á laugardagskvöld um samskipti Bjarna Benediktssonar forsætisráðherra við Glitni fyrir og eftir hrun. Meira »

Glitnir höfðar staðfestingarmál

08:49 Glitnir HoldCo ehf. höfðar í dag staðfestingarmál fyrir Héraðsdómi Reykjavíkur vegna lögbannsins sem sett var á fréttaflutning Stundarinnar og Reykjavík Media af viðskiptavinum Glitnis. Þetta staðfestir Ingólfur Hauksson, forstjóri Glitnir HoldCo, í samtali við mbl.is. Meira »

Víkingaveröld í Mosfellsdal

08:18 Nýtt deiliskipulag fyrir Langahrygg í Mosfellsdal er í kynningu þessa dagana. „Hugmyndin gengur út á að reisa einskonar „víkingaveröld“ sem gæfi innsýn í það umhverfi sem menn bjuggu við á þjóðveldisöld (11. og 12. öld).“ Meira »

Þurfa nýja augasteina eftir Flórídana-tappann

08:08 Að minnsta kosti tveir þeirra sem slösuðust er plasttappi af Flórídana-ávaxtasafaflösku þeyttist framan í þá af miklum krafti þurfa að gangast undir aðgerð og fá nýja augasteina. Mikill þrýstingur myndaðist í flöskunum og olli því tapparnir þeyttust af þeim af miklum krafti þegar þær voru opnaðar. Meira »

Gagnrýndi Trump í þakkarræðu

07:57 Kári Stefánsson, forstjóri Íslenskrar erfðagreiningar, tók í síðustu viku á móti æðstu viðurkenningu Bandarísku erfðafræðisamtakanna, ASHG. Verðlaunin eru kennd við William Allan og hafa verið veitt árlega síðan 1961. Þau eru veitt fyrir framúrskarandi framlag til erfðavísindanna og þykir mikill heiður að hljóta þau. Meira »

Tók brjálæðiskast inni á heimili

07:18 Óskað var aðstoðar lögreglu eftir að ölvuð og æst kona, sem var gestkomandi í heimahúsi, hafði ráðist á húsráðandann, sem var vinkona hennar. Einnig barst beiðni um aðstoð vegna 17 ára stráks sem tók brjálæðiskast inni á heimili í nótt og skemmdi mikið af innanstokksmunum. Meira »

Stjórnmálin verða að breytast

08:00 Helgi Hrafn Gunnarsson, oddviti Pírata í Reykjavík norður, segir kosningarnar í haust snúast um traust til stjórnmálanna sjálfra. Við, sem þjóð, þurfum stjórnmálamenn sem vilji breyta regluverkinu sjálfu svo að traustið verði verðskuldað. Meira »

Málefni flokka á landsvísu ráða mestu

07:37 Málefni flokksins á landsvísu ræður mestu um það hvaða flokkur fær atkvæði í alþingiskosningunum, samkvæmt skoðanakönnun Félagsvísindastofnunar fyrir Morgunblaðið. Meira »

Vara við hviðum undir Eyjafjöllum

06:55 Strekkings austlæg átt og fremur vætusamt verður suðaustan til á landinu fram undir hádegi, en mun úrkomuminna annars staðar. Varar Veðurstofan við því að búast megi við snörpum vindhviðum undir Eyjafjöllum og í Mýrdal fram eftir morgni. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

Antikhúsgögn
Antíkhúsgögn og munir í úrvali. Skoðið heimasíðuna. Erum á Facebook. Opið frá kl...
STIGAR OG HANDRIÐ ALLAR MÖGULEGAR GERÐIR
Sjá: http://www.youtube.com/watch?v=73dIQgOl2JQ&feature=channel Facebook > Mag...
Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
Álfelgur og dekk 195/65R15 - Toyota Avensis
Settið á 40 þúsund krónur. Upplýsingar i sima 840 2010...
 
Niðurstaða sveitarstjórnar
Tilkynningar
Samþykkt breyting á deiliskipulagi S...
Eldri borgarar
Staður og stund
Aflagrandi 40 Dagurinn byrjar á opinni v...
Verkefnisstjóri
Stjórnunarstörf
Verkefnisstjóri Stjór...
Skipulag
Tilkynningar
Borgarbyggð Skipulagsauglýsingar De...