Erfitt að vera fáklæddar í sundi

Það getur verið erfitt fyrir konur sem tilheyra íslam að ...
Það getur verið erfitt fyrir konur sem tilheyra íslam að vera fáklæddar eða í sundfötum fyrir framan ókunnuga karla, segir Matthildur. Myndin tengist fréttinni ekki beint. Eggert Jóhannesson

Hugmyndir um ásættanlega nekt innan íslam eru ólíkar því sem flestir eiga að venjast á Íslandi og ekki gilda sömu reglur fyrir karla og konur á þessu sviði. Í Danmörku hafa komið upp átök hvað varðar skólasund stúlkna sem tilheyra íslam en ekki hefur farið mikið fyrir slíkum málum hér á landi.

Þetta er meðal þess sem kemur fram í fyrirlestri Matthildar Bjarnadóttur, meistaranema í trúarbragðafræðum, sem haldinn verður í Vídalínskirkju í kvöld.

Fyrirlesturinn ber yfirskriftina Geta múslimar farið í sund? og fjallar hann um hugmyndir innan íslam varðandi mannslíkamann, hreinlæti, nekt og samskipti kynjanna bæði hér á Íslandi og í mið-Austurlöndum. Matthildur leggur um þessar myndir lokahönd á meistaraverkefni sitt við Kaupmannahafnarháskóla og ræddi við mbl.is um fyrirlesturinn.

Vilja ekki dæturnar fari í skólasund

„Ég mun taka fyrir hugmyndir innan íslam varðandi mannslíkamann, nekt, hreinlæti og samskipti kynjanna með hliðsjón af íslenskri sundlaugamenningu. Mig langaði að vinna verkefni sem gæti nýst eitthvað hér heima.

Í Danmörku hafa komið upp heilmikil átök hvað varðar skólasund stúlkna sem tilheyra Islam en það hefur ekki farið mikið fyrir slíkum málum á Íslandi. Hugmyndir um ásættanlega nekt innan Islam eru ólíkar því sem við eigum að venjast á Íslandi og það gilda ekki sömu reglur fyrir konur og karla á því sviði,“ segir Matthildur.

Aðspurð segir hún átökin hafa falist í því að foreldrar vilji ekki að dætur þeirra fari í skólasund vegna þess að þá þurfi þær að vera fáklæddar fyrir framan drengi og/eða karlkyns kennara.

Karlmenn hylji sig frá nafla og niður að hnjám

„Það getur verið erfitt fyrir konur sem tilheyra íslam að vera fáklæddar eða í sundfötum fyrir framan ókunnuga karla. Innan íslam er mannslíkaminn mjög jákvætt fyrirbæri og í Kóraninum eru múslimar hvattir til að hugsa vel um hann og njóta þess að líða vel í eigin skinni.

Hins vegar er ósæmileg nekt skammarleg hjá báðum kynjum og margar reglur settar sem miða að því að virða líkamann, hylja hann rétt og forðast alls kyns óhreinleika,“ segir Matthildur.

Hún útskýrir að ósæmileg nekt geti verið mismunandi eftir hópum en oftast er þess krafist að konur hylji líkama sinn frá hálsi og niður að öklum. Sama krafa er gerð til til karlmanna á almannafæri en við ákveðnar aðstæður eins og til dæmis í baðhúsum eiga karlmenn að hylja sig frá nafla og niður að hnjám. Þessar reglur virðast ekki vera eins stífar fyrir karlmenn.

„Í vestrænni hugsun gæti þetta hljómað eins og ákveðin þversögn, að líkaminn sé góður og jákvæður og þess vegna eigi að hylja hann. Ég ætla að reyna að varpa ljósi á þessar hugmyndir, uppruna þeirra og áhrif ásamt ýmsu fleiru innan íslam.

Þetta verður ekki mjög þungur eða fræðilegur fyrirlestur heldur eru þessi fræðslukvöld ætluð fyrir meðal Jón og Gunnu sem hafa áhuga á að læra meira um trúarbrögð. Þetta á líka að vera skemmtilegt og skapa áhugaverðar umræður,“ segir Matthildur.

Fráleitt að læra nokkuð um trúarbrögðin

Vídalínskirkja tók upp á því að bjóða til sín fjórum trúarbragðafræðingum og halda jafn mörg fræðslukvöld til að auka þekkingu fólks og skilning á öðrum trúarbrögðum. Kveikjan að þessum kvöldum var m.a. koma flóttafólksins frá Sýrlandi og sú staðreynd að Ísland er stöðugt að verða fjölþjóðlegra land. Við státum okkur af því að vera vel menntuð þjóð og það er einmitt eiginleiki sem er gott að rækta. Þekking er það eina sem bítur á fordóma,“ segir Matthildur.  

Ég held að viðbrögðin við viðtalinu í DV við Jónu Hrönn Bolladóttur, sóknarprest í Vídalínskirkju, þar sem hún sagði frá þessu átaki hafi undirstrikað mikilvægi þess að halda svona fræðslukvöld. Það bar á miklum ótta gagnvart íslam í athugasemdakerfinu með fréttinni og margir töldu það alveg fráleita hugmynd að læra nokkurn skapaðan hlut um þessi trúarbrögð. Þessu er ég innilega ósammála. Við megum aldrei vera hrædd við að læra um og skilja annað fólk,“ bætir Matthildur við.  

Fyrsti fyrirlesturinn fjallaði um tilurð og uppgang hryðjuverkasamtakanna Ríki íslam og flutti Magnús Þorkell Bernharðsson, prófessor í sögu Mið-Austurlanda, flutti erindið.

„Það var mjög áhugavert að læra um þessi samtök og Magnús gerði alls ekki lítið úr hættunni sem af þeim stafar. Hann vildi jafnvel meina að Vesturlönd hefðu of lengi lokað augunum fyrir því hversu miklum skaða þau væru fær um að valda. Með menntun og þekkingu kemur raunsæi og þannig eigum við síður á hættu á að annað hvort ofmeta eða vanmeta hugmyndir og hópa í kringum okkur,“ segir Matthildur.

„Það er flóknara að búa í fjölmenningarsamfélagi og í þeim aðstæðum verður fólk að vanda sig meira í samskiptum. Hins vegar fylgja því líka ótvíræðir kostir að fá hingað fólk með öðruvísi viðhorf, þekkingu og hefðir. Það koma alltaf upp árekstrar og verkefni sem þarf að leysa þegar samfélag verður flóknara en ef okkur tekst að finna lausnir á þeim vandamálum sem upp koma þá er gróðinn af fjölskrúðugu samfélagi svo margfalt meiri en kostnaðurinn við að finna leiðir til að lifa saman. Það versta sem við gerum er að hundsa náungann og einangra fólk félagslega,“ segir Matthildur að lokum.

Einnig verða fræðslukvöld þriðjudagskvöldin 9. – 16. febrúar og fara þau einnig fram í Vídalínskirkju. Allir fyrirlestrarnir hefjast kl. 20 og er aðgangur ókeypis.

Kátir drengir á fallegum sumardegi í einni af sundlaugum Reykjavíkurborgar. ...
Kátir drengir á fallegum sumardegi í einni af sundlaugum Reykjavíkurborgar. Myndin tengist fréttinni ekki beint. mbl.is/Golli
Konur sem tilheyra íslam eiga í flestum tilvikum að hylja ...
Konur sem tilheyra íslam eiga í flestum tilvikum að hylja líkama sinn frá hálsi og niður að ökklum í baðhúsum. Myndin tengist fréttinni ekki beint. Skapti Hallgrímsson
mbl.is

Bloggað um fréttina

Innlent »

Framkvæmdum lauk á undan áætlun

10:13 Framkvæmdum á Kringlumýrarbraut lauk fjórum dögum á undan áætlun. Umferð um Kringlumýrarbraut er að mestu leyti orðin eðlileg en lítilsháttar þrengingar eru á veginum þar sem unnið er að því að steypa upp vegkanta. Veitur lögðu vatnslagnir í jörðu sem leiða vatn í Vesturbæinn. Meira »

Forval hjá VG í Suðvesturkjördæmi

10:10 Forvali verður beitt hjá Vinstrihreyfingunni - grænu framboði í Suðvesturkjördæmi við val á framboðslista. Þetta var ákveðið fundi flokksins sem fram fór í Hafnarfirði í gærkvöldi. Meira »

Strætó greiði 100 milljónir í skaðabætur

10:03 Hæstiréttur dæmdi á fimmtudaginn í síðustu viku fyrirtækið Strætó bs til að greiða Allrahanda ehf. 100 milljónir króna í skaðabætur, ásamt vöxtum, vegna ólögmæts útboðs af hálfu Strætó árið 2010. Meira »

Föst skot á milli forystumanna

09:49 Forystumenn stjórnmálaflokka sem sæti eiga á Alþingi skutu föstum skotum á hvorn annan í gærkvöldi í kjölfar langra fundahalda um það með hvaða hætti staðið yrði að þinglokum. Beindust skotin einkum að Bjarna Benediktssyni, forsætisráðherra og formanni Sjálfstæðisflokksins. Meira »

Þarf ekki að afhenda „óleyfishana“

09:05 Hæstiréttur staðfesti í gær úrskurð Héraðsdóms Reykjavíkur þar sem kröfu lögreglustjórans á höfuðborgarsvæðinu um húsleit á heimili í Mosfellsbæ og að íbúa yrði gert að afhenda óskráðar hænur og tvo „óleyfishana“ sem hann héldi þar, væri hafnað. Meira »

Stytting bitnar á tungumálakennslu

08:18 Vigdís Finnbogadóttir segir ástæðu til að hafa áhyggjur af áhrifum styttingar náms til stúdentsprófs á tungumálakennslu. Ljóst sé að það hafi þegar haft áhrif. „Stytting framhaldsskólanna hefur bitnað á tungumálakennslunni og ég er hrædd um að við eigum eftir að gjalda fyrir það, því miður. Meira »

Hætta á skriðuföllum

06:39 Útlit er fyrir að suðaustlægar áttir verði ríkjandi fram yfir helgi með rigninu af og til um allt land en varla heill þurr dagur suðaustan til á landinu. Því má búast við vatnavöxtum á því svæði sem eykur einnig líkur á skriðuföllum. Meira »

Framboðsfrestur rennur út 13.10.

07:37 Það verður kannski ekki fullljóst fyrr en tíu dögum fyrir kosningadag hvaða listar verða í framboði í alþingiskosningunum 2017. Meira »

Rólegt á lögregluvaktinni

05:45 Lögreglan á höfuðborgarsvæðinu stöðvaði bifreið um eitt í nótt vegna gruns um að ökumaður væri að aka undir áhrifum fíkniefna/lyfja. Meira »

Andlát: Einar Friðrik Kristinsson

05:30 Einar Friðrik Kristinsson, fyrrverandi framkvæmdastjóri, er látinn, 76 ára að aldri. Einar lést á líknardeild Landspítalans sl. fimmtudag, 21. september. Hann fæddist 21. ágúst 1941 í Vestmannaeyjum. Meira »

Andlát: Örn Ingi Gíslason

05:30 Örn Ingi Gíslason fjöllistamaður lést á Sjúkrahúsinu á Akureyri laugardaginn 23. september, 72 að aldri. Hann fæddist á Akureyri 2. júní 1945 og bjó þar alla tíð. Móðir Arnar Inga var Guðbjörg Sigurðardóttir húsmóðir og kjörfaðir Gísli Einarsson sjómaður. Meira »

Samkeppnin fer harðnandi í fluginu

05:30 Sveinn Þórarinsson, greinandi í hlutabréfum hjá Landsbankanum, segir það munu auka þrýstinginn á verð farmiða yfir Norður-Atlantshafið að dótturfélag flugfélagsins Norwegian hafi fengið flugleyfi til Bandaríkjanna. Meira »

Áherslur SI hinar sömu og meistara

05:30 „Þvert á það sem fram kemur í frétt Morgunblaðsins hafa Samtök iðnaðarins staðið vörð um fagmennsku og gætt hagsmuna iðnmeistara með því að gera yfirvöldum grein fyrir þeim sem bjóða fram þjónustu án tilskilinna réttinda.“ Meira »

Enginn hefur skoðað Núp

05:30 Ríkiskaup auglýstu í júlí síðastliðnum til sölu þrjár húseignir að Núpi í Dýrafirði. Um er að ræða skólabyggingu og tvær heimavistir, alls rúmlega 4.500 fermetra. Meira »

Andrúmsloftið í Framsókn hreinsast

05:30 Ásakanir ganga á víxl vegna brotthvarfs Sigmundar Davíðs Gunnlaugssonar úr Framsóknarflokknum síðastliðinn sunnudag.  Meira »

Einar ráðinn þjóðgarðsvörður

05:30 Þingvallanefnd hefur samþykkt að ráða Einar Á. E. Sæmundsen, fræðslufulltrúa þjóðgarðsins, til eins árs í stöðu þjóðgarðsvarðar, frá og með 1. október nk. Meira »

Rafknúnir bátar undanþegnir gjöldum

05:30 Í nýsamþykktri gjaldskrá Faxaflóahafna fyrir árið 2018 var sett inn nýtt ákvæði til bráðabirgða um að bátar sem alfarið eru knúnir rafmagni og notaðir til skipulagðra siglinga með farþega séu undanþegnir bryggju- og lestargjaldi til ársloka 2025. Meira »

Andarnefja heimsótti Friðarhöfn

05:30 Hvalur, um sjö metra langur, sást í Friðarhöfn í Vestmannaeyjum í gærmorgun. Talið er að um andarnefju sé að ræða. Hvalurinn synti um höfnina og virtist vera við góða heilsu. Friðarhöfn er innst í Vestmannaeyjahöfn. Meira »
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
www.skutla.com sendibílar 867-1234
Rafknúin tröpputrilla fyrir ísskàpinn, þvottavélina, þurrkarann o.fl. Skutl, vör...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...
Vönduð vel búin kennslubifreið
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
 
L helgafell 6017092019 iv/v
Félagsstarf
? HELGAFELL 6017092019 IV/V Mynd af ...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Hádegisfundur
Fundir - mannfagnaðir
ses.xd.is Samtök eldri sjálfstæði...
Rafræn kosning hofsprestakall
Tilkynningar
Auglýsing um prestskosningu í Hofspr...