Arion augljóslega reistur á brauðfótum

Vigdís Hauksdóttir, formaður fjárlaganefndar.
Vigdís Hauksdóttir, formaður fjárlaganefndar. mbl.s/Rax

Kaupþing var aldrei hæfur til að verða nýr banki og hefði átt að fara í þrot í stað þess að vera endurreistur. Nýi bankinn var augljóslega reistur á miklum brauðfótum. Þetta sagði Vigdís Hauksdóttir, formaður fjárlaganefndar Alþingis, á opnum fundi nefndarinnar fyrir fjölmiðla í dag. Voru fulltrúar Fjármálaeftirlitsins mættir á staðinn til að svara spurningum nefndarmanna.

Lítið var um bein svör þar sem fulltrúar eftirlitsins óskuðu eftir tíma til að fara yfir flóknar spurningar og senda svör til nefndarinnar innan tíðar. Ljóst var að meðal þess sem Vigdís og Guðlaugur Þór Þórðarson, varaformaður nefndarinnar, leituðust eftir á fundinum var að fá aðgang að gögnum sem talið er að  fjármálaráðuneytið hafi undir höndum en hefur ekki viljað afhenda nefndinni. Þau gögn innihalda meðal annars hluthafasamkomulag milli ríkisins og slitabús Kaupþings við stofnun Arion banka. Ítrekuðu þau beiðni þess efnis til fulltrúa eftirlitsins.

Snýst um 2,5 milljarða vaxtakostnað sem féll á ríkið

Yfirskrift fundarins var vaxtakostnaður vegna stofnunar Arion banka, en Morgunblaðið fjallaði um málið í byrjun janúar. Þar var greint frá svari fjármála- og efnahagsráðuneytisins um að ríkið fengi ekki bættan 2,5 milljarða vaxtakostnað sem féll til við stofnun bankans. Sagði ráðuneytið ástæðuna vera langan tíma sem það tók Fjármálaeftirlitið að veita Kaupskilum, dótturfélags slitabús Kaupþings sem fer með hlut þess í Arion banka, heimild til að fara með ráðandi hlut í bankanum.

Fjármálaeftirlitið svaraði þessum ásökunum strax og sagði ekki rétt að stofnunin hafi valdið þessum kostnaði. Jón Þór Sturluson, aðstoðarforstjóri eftirlitsins, sat fyrir svörum á nefndarfundinum í dag og sagði hann rétt að kostnaður hafi fylgt því að málið dróst á langinn og kallaði hann málið tjón fyrir ríkið. Hann segist þó ekki sammála frétt Morgunblaðsins að það hafi verið af völdum eftirlitsins og sagðist skilja svar ráðuneytisins á annan hátt.

Segir Kaupþing hafa verið vanfjármagnað af slitabúinu

Á fundinum fór Vigdís yfir skýrslu Steingríms J. Sigfússonar, þáverandi fjármálaráðherra um endurreisn bankanna sem kom út 2011, svör fjármálaráðuneytisins við spurningum Morgunblaðsins og viðbrögð Fjármálaeftirlitsins við málinu. Sagði hún að þarna væri mismunandi skýringar hjá öllum og að málið varðaði 2,5 milljarða sem enduðu með að falla á ríkið og þar með skattgreiðendur. Sagði hún að svo virtist vera sem að Kaupþing hafi verið vanfjármagnað af Kaupskilum í upphafi og aðeins lagt til 100 milljónir í stofnfjárframlag. Sagði hún við það tækifæri að bankinn hefði augljóslega verið reistur á miklum brauðfótum.

Vill aðgang að gögnum um endurreisn bankakerfisins

Vigdís hefur að undanförnu gagnrýnt fjármálaráðuneytið fyrir að takmarka aðgang að gögnum sem varða endurreisn bankakerfisins, en komið var upp gagnaherbergi sem aðeins þingmenn hafa aðgang að. Þurfa þeir að undirrita trúnaðaryfirlýsingu til að skoða gögnin. Þá hefur Vigdís sagt að átt hafi verið við gögnin og að ýmislegt vanti í þau. Segir hún málið refsivert og grafalvarlegt. Meðal gagna sem Vigdís hefur sagt að vanti séu fundargerðir sem tengjast stofnun nýju bankanna frá árinu 2009.

Málið snýst um kostnað vegna endurreisnar Arion banka, en 2,5 ...
Málið snýst um kostnað vegna endurreisnar Arion banka, en 2,5 milljarða vaxtakostnaður féll á ríkið vegna þess. mbl.is/Júlíus Sigurjónsson

„Hvernig datt ykkur það í hug?“

Vigdís spurði fulltrúa eftirlitsins í dag af hverju fyrrnefndur dráttur hefði verið á að samþykki væri gefið fyrir að Kaupskil færu með ráðandi hlut í Arion. Sagði Jón Þór að það væru málefnalegar skýringar á því og að dregist hefði að eftirlitið fengi öll gögn um málið og gæti þar af leiðandi tekið ákvörðun um það. Vigdís spurði þá af hverju ábyrgðin af þessum drætti hafi öll verið sett á ríkið og skattgreiðendur en ekki Kaupskil. „Hvernig datt ykkur það í hug?“ spurði hún. Jón Þór svaraði að leita yrði skýringa í hluthafasamkomulagi ríkisins og hluthafa bankans. Greip Vigdís þann bolta og spurði til baka hvort eftirlitið hefði samkomulagið undir höndum. Sagði Jón Þór að skoða þyrfti það, hann gæti ekki svarað því á staðnum. Óskaði Vigdís eftir að fá það sent til nefndarinnar ef eftirlitið hefði það undir höndum.

Minnihlutinn segir fundinn tímasóun

Fulltrúar minnihlutans gagnrýndu tilhögun fundarins og boðun hans, en Oddný Harðardóttir, þingmaður Samfylkingarinnar, sagði hann hafa verið tímasóun. Það væri óraunhæft að demba svona spurningum á fulltrúa eftirlitsins án þess að þeir hafi getað undirbúið sig eða komið með viðhlítandi gögn. Þá hafi minnihlutinn fengið litlar upplýsingar um málið og einnig átt í erfiðleikum með undirbúning. Undir þetta tóku Bjarkey Olsen Gunnarsdóttir, þingkona Vinstri grænna og Brynhildur Pétursdóttir, þingkona Bjartrar framtíðar.

Guðlaugur svaraði því til að það væri ekki hlutverk meirihlutans að undirbúa minnihlutann og að allir hefðu átt að þekkja til málsins. Þá væri skýrslan sem mikið væri vísað til frá því 2011 og málið talsvert komið fram í fjölmiðlum að undanförnu.

mbl.is

Innlent »

Björt framtíð samþykkir sex efstu menn

Í gær, 22:24 Björt Ólafsdóttir, Nichole Leigh Mosty, Óttarr Proppé, Páll Valur Björnsson, G. Valdimar Valdemarsson og Preben Pétursson leiða lista Bjartrar framtíðar í kjördæmunum sex fyrir þingkosningarnar í haust. Meira »

Boðað til flokksþings fyrir kosningar

Í gær, 22:11 Kjördæmisþing Framsóknarflokksins í Suðvesturkjördæmi samþykkti í kvöld tillögu þess efnis að efna til flokksþings í aðdraganda þingkosninganna í haust. Þetta þýðir að flokksþing mun fara fram, þar sem reglur flokksins kveða á um að halda skuli flokksþing ef meirihluti kjördæmisþinga óskar þess. Meira »

Sinntu ekki fyrirmælum Gæslunnar

Í gær, 21:51 Tveir skipverjar voru færðir til sýnatöku í dag en þeir eru grunaðir um að hafa verið undir áhrifum við stjórn handfærabáts sem Landhelgisgæslan hafði afskipti af nú síðdegis. Gæslan hafði vísað bátnum til hafnar í gær en skipverjar sinntu ekki fyrirmælum. Meira »

Tilboðstími lengdur til 8. september

Í gær, 21:13 Opnun tilboða vegna smíði nýrrar Vestmannaeyjaferju hefur verið frestað til 8. september næstkomandi. Opnunin átti að hefjast í dag. Meira »

Ósátt við útisvæði barnanna

Í gær, 20:31 Foreldrar barna í frístundaheimilinu í Glaðheimum eru ósáttir við þá útiaðstöðu sem börnunum sem eru 6-9 ára er boðið upp á. Lítið sem ekkert af leiktækjum er í boði fyrir börnin úti og þá vilja þeir að sett sé upp girðing við Holtaveg til að auka öryggi barnanna. Meira »

Íslensk bæjarheiti vestra

Í gær, 19:30 Þegar farið er um byggðarlög Íslendinga í Ameríku, ekki síst í Norður-Dakóta og Manitoba, má víða sjá íslensk bæjarheiti. Jóel Friðfinnsson, bóndi með meiru í Geysisbyggð í Manitoba í Kanada, segir að skipta megi nöfnunum í sex flokka og ætlar hann að gera nánari grein fyrir því á Þjóðræknisþingi á Hótel Natura á sunnudag. Meira »

Bónusarnir „lykta af sjálftöku“

Í gær, 19:17 Bjarni Benediktsson, fjármála- og efnahagsráðherra, segir milljóna bónusa til handa starfsmönnum eignarhaldsfélagsins Kaupþings lykta af sjálftöku. Þetta kom fram í kvöldfréttum RÚV. Meira »

Ráðherra getur ekki beitt sér í málinu

Í gær, 19:21 „Þetta er gríðarlega alvarleg staða,“ segir iðnaðar- og viðskiptaráðherra um þá stöðu sem upp er komin við framkvæmdirnar á Bakka. Úrsk­urðar­nefnd um­hverf­is- og auðlinda­mála felldi úr­sk­urði um stöðvun fram­kvæmda vegna ákv­arðana um að samþykkja fram­kvæmda­leyfi fyr­ir Þeistareykjalínu. Meira »

Stelpum eru allir vegir færir

Í gær, 18:30 Tíu stelpur á aldrinum 14 til 16 ára af Austurlandi tóku ásamt jafnmörgum þýskum jafnöldrum sínum þátt í ungmennaskiptaverkefninu Girls4Girls í Tübingen í Suður-Þýskalandi. Sjálfsmyndin var í brennidepli sem og alls konar verkefni sem hverfðust um réttindi og stöðu kvenna fyrr og nú. Meira »

Áður gerðar athugasemdir við brunastiga

Í gær, 18:03 Eldvarnaeftirlit Brunavarna Árnessýslu hefur oftar en einu sinni gert athugasemdir við brunastiga þar sem þrítug kona féll 6,3 metra niður um op á mánudagskvöld. Síðasta athugasemd var gerð í lok ársins 2015. Meira »

Davíð Þór prestur í Laugarneskirkju

Í gær, 17:38 Séra Davíð Þór Jónsson hefur verið kjörinn sóknarprestur Laugarneskirkju. Frá þessu greinir formaður sóknarnefndar Laugarnessóknar á Facebook-síðu kirkjunnar. Embættið veitist frá 15. september næstkomandi. Meira »

Hraðakstur við grunnskóla borgarinnar

Í gær, 17:30 Lögreglan á höfuðborgarsvæðinu hefur verið við hraðamælingar við grunnskóla á svæðinu í vikunni og segir ástandið ekki gott. Hátt í 200 ökumenn hafa verið staðnir að hraðakstri og eiga sekt yfir höfði sér. Meira »

Verður friðað hús fjarlægt?

Í gær, 17:15 Fyrir liggur tillaga að breytingu á deiliskipulagi í Reykjavík sem felur meðal annars í sér að byggingar á lóð númer 1 við Veghúsastíg verði fjarlægðar. Húsið sem þar stendur, Veghús, er 117 ára gamalt, var byggt árið 1899 og er friðað með lögum. Meira »

Flokksþing ákveðið í kvöld?

Í gær, 16:40 Hægt er að taka ákvörðun um flokksþing Framsóknarflokksins með tvennum hætti. Annars vegar samkvæmt ákvörðun miðstjórnar sem er hin hefðbunda leið og hins vegar ef meirihluti kjördæmisþinga flokksins fer fram á það. Meira »

Háskólarnir skildir eftir

Í gær, 15:55 Ekki er hægt að fresta lengur aukinni fjárfestingu í háskólastiginu á Íslandi, að sögn Jóns Atla Benediktssonar, rektors Háskóla Íslands. Á ársfundi skólans í dag sagði hann fimm ára fjármálaáætlun ríkisstjórnarinnar gífurleg vonbrigði því háskólarnir væru skildir eftir þegar kæmi að uppbyggingu innviða. Meira »

Álagning útsvars í hæstu leyfilegu hæðum

Í gær, 16:59 Það er löngu tímabært að löngu tímabili taprekstrar Reykjavíkurborgar ljúki, að mati borgarfulltrúa Sjálfstæðisflokksins. Þeir telja ákveðinn viðsnúning í 6 mánaða uppgjöri borgarinnar en segja að hafa beri í huga að viðsnúninginn megi rekja til þess að skatttekjur eru 575 milljónum króna yfir áætlun og að tekjum sé flýtt vegna eftirálagðs útsvars um 1,5 milljarða króna. Meira »

Sendir Renzi samúðarkveðjur

Í gær, 16:25 Forsætisráðherra Íslands hefur sent Matteo Renzi, forsætisráðherra Ítalíu, samúðarkveðjur frá ríkisstjórninni og íslensku þjóðinni vegna gríðarmikillar eyðileggingar og mannfalls af völdum jarðskjálftans á Ítalíu í gær. Meira »

Embætti umboðsmanns neytenda verði stofnað

Í gær, 15:40 Þingsályktunartillaga um fjögurra ára áætlun um ýmis mál til hagsbóta fyrir neytendur hefur verið lögð fram á Alþingi. Þar er meðal annars lagt til að stofnað verði nýtt embætti umboðsmanns neytenda sem hafi mjög skýrt og afmarkað hlutverk. Meira »
Harðviður til húsbygginga
Harðviður til húsabygginga Sjá nánar á www.vidur.is Vatnsklæðning, panill, palla...
Ískalt spjall með Áslaugu Örnu
Í kvöld verð ég í Grafarvogi kl. 20.00 - 21.00 í Ísbúð Vesturbæjar, Brekkuhúsum ...
S
Sumarhús - Gestahús - Breytingar ? Framleiðum stórglæsileg sumarhús í ýmsum stær...
 
Félagsstarf
Staður og stund
Árskógar 4 Smíðar og útskurður með leiðb...
Eldri borgarar
Staður og stund
Árskógar 4 Félagsvist með vinningum kl. ...
Félagsstarf
Staður og stund
Árskógar 4 Smíðar og útskurður með leiðb...
Framhald
Nauðungarsala
Uppboð Einnig birt á www.naudungarsolu...