Komið til móts við afbragðsnemendur

Illugi Gunnarsson mennta- og menningarmálaráðherra.
Illugi Gunnarsson mennta- og menningarmálaráðherra. mbl.is/Árni Sæberg

Mennta- og menningarmálaráðuneyti hefur, að fenginni tillögu frá Menntamálastofnun, ákveðið að breyta fyrirkomulagi lögbundinna samræmdra könnunarprófa í grunnskólum.

Próf sem undanfarin ár hafa verið haldin að hausti í 10. bekk munu færast til vors í 9. bekk og því verður ekkert próf haldið í 10. bekk haustið 2016 en þeir sem verða í 10. bekk á næsta skólaári munu þreyta próf vorið 2017 á sama tíma og 9. bekkingar.

Þetta kemur fram á vef mennta- og menningarmálaráðuneytisins

Illugi Gunnarsson, mennta- og menningarmálaráðherra, segir í samtali við mbl.is ýmis rök með því að nemendur taki þessi próf að vori í 9. bekk í stað hausti í 10. bekk.

Gefur það nemendum, forráðamönnum og kennurum meira svigrúm til þess að nýta sér niðurstöður prófsins til að móta áherslur í námi í 10. bekk en getur líka opnað leiðir inn í framhaldsskóla fyrir þá sem geta og vilja sleppa síðasta ári grunnskólans.

Hafa eitthvað til að stefna að

„Með þessu fáum við betri mynd af stöðu hvers nemanda og þá er hægt að hafa næsta vetur til að vinna með þeim til að bæta þá ákalla og göt sem eru í þekkingunni,“ segir Illugi.  Hann bætir við að með þessu skapist einnig betra tækifæri fyrir nemendur sem skara fram úr til þess að meta hvort þeir séu tilbúnir til að innritast í framhaldsskóla.

„Ef að það er mat nemenda, sem hafa sýnt fram á mjög góðan námsárangur, og foreldra þeirra að þeir séu færir til að fara í framhaldsskóla er komið betra kerfi í kringum það. Þeir þreyta þá þetta próf og ef þeir ná góðum árangri opnast þessi leið. Þá hafa líka þeir nemendur sem vilja fara hraðar eitthvað til að stefna að og ég held að það sé mjög jákvætt.“

Á að koma til móts við þá sem skara fram úr

Illugi segir það ákveðinn hóp sem skarar fram úr í grunnskólunum og að það eigi að koma til móts við þá. „Rétt eins og við komum til móts við þá sem þurfa aðstoð þurfum við líka að hafa kerfi sem styður við þá nemendur sem sýna afbragðsárangur.“

Frá og með næsta hausti verða samræmdu prófin einnig gerð rafræn. Illugi segir löngu kominn tími á það og það gefi tækifæri til þess að þróa prófin betur. Í tilkynningu ráðuneytisins kemur fram að með rafrænum prófum gefst gefst kostur á fjölbreyttari leiðum við að prófa markmið skólastarfs, stytta vinnslutíma miðlægra prófa, bjóða upp á sveigjanleika í fyrirlögn, auðvelda stuðningsúrræði fyrir nemendur með sérþarfir og gefa kost á að laga próffyrirlögn að hæfni nemenda.

Hér að neðan má sjá tilkynningu ráðuneytisins í heild sinni:

Mennta- og menningarmálaráðuneyti hefur, að fenginni tillögu frá Menntamálastofnun, ákveðið að breyta fyrirkomulagi lögbundinna samræmdra könnunarprófa í grunnskólum. Breytingin er tvenns konar.

Í fyrsta lagi hefur verið ákveðið að öll samræmd könnunarpróf verði lögð fyrir með rafrænum hætti frá og með haustinu 2016.

Í öðru lagi hefur verið ákveðið að samræmd könnunarpróf sem undanfarin ár hafa verið haldin að hausti í 10. bekk færist til vors í 9. bekk. Því verður ekkert próf haldið í 10. bekk haustið 2016 en þeir sem verða í 10. bekk á næsta skólaári munu þreyta próf vorið 2017 á sama tíma 9. bekkingar.

Með því að gera prófin rafræn gefst kostur á fjölbreyttari leiðum við að prófa markmið skólastarfs, stytta vinnslutíma miðlægra prófa, bjóða upp á sveigjanleika í fyrirlögn, auðvelda stuðningsúrræði fyrir nemendur með sérþarfir og gefa kost á að laga próffyrirlögn að hæfni nemenda.

Með því að færa 10. bekkjar könnunarprófið í 9. bekk gefst nemendum, forráðamönnum þeirra og kennurum meira svigrúm til þess að nýta sér niðurstöðurnar til að bregðast við og móta áherslur í námi í 10. bekk.

Jafnframt þessum breytingum gerir Menntamálastofnun könnunarprófin hæfnimiðaðri í takt við áherslur í aðalnámskrá grunnskóla frá 2013. Miðað er við að áfram verði tvö könnunarpróf í 4. og 7. bekk, þ.e. í íslensku og stærðfræði. Í 10. bekk verður metin hæfni í íslensku, stærðfræði og ensku.

Menntamálastofnun mun á næstunni kynna betur breytt fyrirkomulag lögbundinna samræmdra könnunarprófa og gefa út dagsetningar á fyrirlögn þeirra á næsta skólaári.

Samkvæmt ákvæðum í almennum hluta aðalnámskrár grunnskóla er foreldrum heimilt að óska eftir því að barn þeirra sé útskrifað úr grunnskóla áður en 10 ára skyldunámi er lokið.  Í aðalnámskránni eru sett viðmið um verklag og forsendur við mat á slíkum óskum.  Með því að færa samræmt könnunarpróf til vorannar í 9. bekk fá foreldrar, nemendur og skólar viðbótarupplýsingar til að meta hvort viðkomandi nemandi búi yfir nægilegri hæfni og geti því innritast í framhaldsskóla.

Frá og með næsta hausti verða samræmd próf rafræn.
Frá og með næsta hausti verða samræmd próf rafræn. Ljósmynd/Eyþór Árnason
mbl.is

Innlent »

Tekur upp hanskann fyrir Mosty

13:02 Eliza Reid, eiginkona Guðna Th. Jóhannessonar forseta Íslands, hvetur fólk til að vera umburðarlynt og sýna skilning þeim útlendingum sem flytja til Íslands og læra tungumálið seinna en þeir sem eru fæddir og uppaldir hér. Meira »

Versti ótti afans skók tilveruna

12:44 „Ég man eftir einum afa sem ég veitti meðferð einu sinni sem elskaði barnabörnin sín en fékk hræðilegar hugsanir upp í hugann um að leita á barnabörnin sín kynferðislega.“ Þetta er eitt dæmi um áleitnar hugsanir sem geta haft alvarlegar afleiðingar að sögn prófessors í sálfræði sem rannsakar efnið. Meira »

Skólastjórinn saumar líka búninga

12:18 Skólastjóri Listdansskóla Íslands, Guðmundur Helgason, hefur helgað líf sitt listdansi. Hann stjórnar ekki einungis skólanum heldur saumar líka búninga, gengur í verk húsvarðar, sinnir viðhaldi og markaðsmálum. Meira »

Jarðarstund haldin í kvöld

11:41 Svokölluð Jarðarstund fer fram í kvöld á milli klukkan 20.30 og 21.30. Markmið hennar er að hvetja íbúa heims til aðgerða gegn loftslagsbreytingum með því að slökkva ljósin í eina klukkustund og sýna með því fram á vitundarvakningu. Meira »

Dugar bara fyrir tveimur kílómetrum

11:27 Aðstandendur undirskriftasöfnunarinnar sem nú stendur yfir, í mótmælaskyni vegna frest­unar vega­fram­kvæmda í Gufu­dals­sveit á Vest­fjörðum, segja ákvörðun um 200 milljóna króna aukafjárveitingu til framkvæmdanna vera vonbrigði. Meira »

Reyndi ítrekað að hafa samband

11:17 „Ég reyndi ítrekað að hafa samband við þá,“ segir Vilhjálmur H. Vilhjálmsson, lögmaður Alfreðs Clausen, í samtali við mbl.is. Mál Alfreðs vakti mikla at­hygli fyr­ir um tveim­ur árum en þá lýstu banda­rísk stjórn­völd eft­ir Al­freð í tengsl­um við um­fangs­mikið fjár­svika­mál. Meira »

Logi bjargaði lífi á Tenerife

10:00 Logi Geirsson, fyrrverandi landsliðsmaður í handbolta, segir frá því á Facebook þegar hann bjargaði lífi manns með hjartahnoði er hann var í fríi með fjölskyldu sinni á Tenerife fyrr í mánuðinum. Meira »

Landsnet styður Konur í orkumálum

10:30 Landsnet og Konur í orkumálum skrifuðu í gær undir samning sem kveður á um að Landsnet bætist í hóp bakhjarla félagsins til næstu tveggja ára. Meira »

Rauðhærður í sértrúarsöfnuði

09:48 Þrír bræður eru í sveitinni Júníus Meyvant, sem er hugarfóstur Unnars Gísla Sigurmundssonar, en yngri bræður hans, Ólafur Rúnar og Guðmundur Óskar, eru með honum í þessu verkefni. Þeir segja frá æskunni í Eyjum, trúarlegu uppeldi og tónleikaferðalögum í viðtali. Meira »

Geta ekki fengið Alfreð framseldan

08:48 Bandarísk stjórnvöld hafa ekki reynt að fá Alfreð Clausen framseldan frá Íslandi til Bandaríkjanna. Ástæðan er sú að engir framsalssamningar eru í gildi á milli landanna. Meira »

Lögreglan rannsakar eldsvoðann

08:37 Lögreglan á Akureyri mun hefja rannsóknarvinnu í fóðurverksmiðjunni Bústólpa á Akureyri í dag. Ekkert er vitað um tjón eða eldsupptök. Meira »

Íbúðaskortur um allt land

07:57 Íbúðaskortur er ýmist brostinn á eða í uppsiglingu úti á landi. Fólki fjölgar víða eða þarf nauðsynlega að fjölga en skortur á húsnæði er jafnvel að halda aftur af þeirri þróun. Meira »

Saxast heldur á forgangsverkefnin

07:37 Vel hefur gengið að ljúka við forgangsverkefni ríkisstjórnarinnar í tengslum við fjölgun ferðamanna 2017 en Þórdís Kolbrún R. Gylfadóttir, ferðamála-, iðnaðar- og nýsköpunarráðherra, greindi frá stöðu mála á ríkisstjórnarfundi í gær. Meira »

Búist við stormi víða á landinu

07:12 Búist er við stormi víða á landinu í dag. Spáð er suðvestan 15 til 23 metrum á sekúndu, skúrum eða éljum en léttir til á Norðaustur- og Austurlandi. Hiti verður á bilinu 2 til 12 stig, hlýjast norðaustantil. Meira »

196 umsækjendur fluttir úr landi

05:30 Á þessu ári hafa 196 umsækjendur um alþjóðlega vernd (áður kallaðir hælisleitendur) verið fluttir frá Íslandi.  Meira »

Þrjú útköll hjá slökkviliðinu

07:18 Slökkviliðið á höfuðborgarsvæðinu var þrívegis kallað út í nótt til að slökkva eld. Um hálffjögurleyti kviknaði eldur í bíl í Mosfellsbæ og einnig í ruslatunnu á Hverfisgötu. Meira »

Rekstrarumhverfið sagt óþolandi

05:30 Íslandsbanki stóð fyrir fundi í Hofi á Akureyri í vikunni um málefni ferðaþjónustunnar. Hörð gagnrýni kom fram í máli fundarmanna á Isavia. Meira »

Polar Amaroq með mestan loðnuafla

05:30 Grænlenska skipið Polar Amaroq var aflahæsta skipið á nýliðinni loðnuvertíð að því er fram kemur á vefsíðu Síldarvinnslunnar. Meira »
Vatnshitarar fyrir sumarhús.
Ýmsar gerðir af vatnshiturum 3300w til 21000w fyrir sumarhús, þessi búnaður er f...
Flísar og Fúga Flísalagnir
Vandaðar flísalagnir. Föst verðtilboð eða tímavinna þér að kostnaðarlausu. Vöndu...
Tjörudúkur,lekaviðgerð,múrverk,flísalögn
SK verk ehf -sérhæfing í þakpappalögn(tjörudúkslögn),almennri múrvinnu,flísalögn...
 
Framhald uppboðs
Nauðungarsala
Uppboð Einnig birt á www.naudungarsolu...
Félagsstarf
Staður og stund
Aflagrandi 40 Opin vinnustofa kl. 9, bin...
Félagsstarf
Staður og stund
Aflagrandi 40 Opin vinnustofa kl 9. Morg...
Laus störf
Önnur störf
LAUS STÖRF FYRIR RÉTTA EINSTAKLINGA ...