Myndu búa við meiri skerðingar

Ellen Calmon, formaður Öryrkjabandalags Íslands
Ellen Calmon, formaður Öryrkjabandalags Íslands mbl.is/Eggert Jóhannesson

Fulltrúar Öryrkjabandalagsins í nefnd um endurskoðun almannatryggingalaga skrifuðu ekki undir tillögur nefndarinnar sem afhentar voru félagsmálaráðherra. Formaður ÖBÍ, Ellen Calmon, segir í samtali við mbl.is að þeir sem séu með mjög skerta starfsgetu í dag muni búa við meiri skerðingar ef tillögurnar verði að veruleika.

Ellen segir málið heilmikið og flókið enda sé verið að tala um grundvallabreytingar á almannatryggingakerfinu. Í tillögunum er m.a. lagt til að starfsgetumat sé tekið upp í stað örorkumats og frítekjumark afnumið. Sagt var frá tillögum nefndarinnar í kvöldfréttum RÚV þar sem kom m.a. fram að í nýju tillögunum væri lagt til að þeir sem væru með 50% örökulífeyri eða ellilífeyri gætu unnið hálft starf án þess að lífeyririnn skertist. Tekjuskerðing af öðrum tekjum yrði þó 45%. Ellen segir það mikið áhyggjuefni fyrir þá sem eru með mjög litla starfsgetu.

Yrði enginn fjárhagslegur ávinningur af því að vinna

„Ef við nefnum sem dæmi einstakling með mjög litla starfsgetu, segjum 75% örorku, getur hann unnið sér inn smá pening, kannski 10-20 þúsund krónur á mánuði. Hann greiðir skatta af því en þar að auki skerðast tekjurnar um 45%. Það gerir það að verkum að fyrir þá sem eru með mjög skerta starfsgetu yrði enginn fjárhagslegur ávinningur af því að vinna,“ segir Ellen.

„En þeir sem eru með 50% starfsgetu geta haft ótakmarkaðar launatekjur enda er ekki áætlað að setja neitt þak á þær. Okkur finnst það rangt og algjörlega fráleitt að búa þannig um hnútana að fólk sem er með minnstu starfsgetuna og minnstu möguleikana á þátttöku á vinnumarkaði búi við ríkari skerðingar en það býr við í dag og að fólk sem hefur 50% starfsgetu fái greitt úr almannatryggingakerfinu þó það sé með ofurlaun.“

Öryrkjabandalagið gerði sérálit um tillögur nefndarinnar sem fulltrúar Bjartrar framtíðar, Vinstri grænna, Pírata og Samfylkingarinnar í nefndinni skrifuðu undir. Þá skilaði bandalagið einnig inn greinagerð og skýrslunni „Virkt samfélag“ þar sem Öryrkjabandalagið skrifar í raun nýtt kerfi almannatrygginga þar sem byggt er á starfsgetumati og greiðslum á grundvelli þess. Er meðal annars lagt til að sameina Tryggingamiðstöð, Sjúkratryggingar Íslands og Vinnumálastofnun í eina stofnun.

Mikilvægast að vera virkur í samfélaginu

Ellen segir vinnu mikilvæga fyrir þá sem geti stundað hana en mikilvægast einstaklingnum sé að vera virkur þátttakandi í samfélaginu. Á síðasta ári átti Öryrkjabandalagið í samstarfi við Vinnumálastofnun og Landssamtökin Þroskahjálp með verkefnið „Virkjum hæfileikana, alla hæfileikana“. Þá hvatti félagsmálaráðherra opinberar stofnanir og fyrirtæki til þess að ráða fólk með skerta starfsgetu. Að sögn Ellenar komu einhver störf út úr því átaksverkefni en ekki mjög mörg. „En það horfir allt öðru vísi við í einkageiranum en hjá opinberum stofnunum og er einkageirinn ekki eins opinn fyrir því að ráða fólk með skerta starfsgetu, sem er áhyggjuefni,“ segir Ellen.

Hún segist vonast til þess að ráðherra taki tillit til þeirra skiptu skoðana hópa sem sátu í nefndinni um endurskoðun almannatrygginga þegar frumvarpið verði skrifað. „Þó að ráðherra fái í hendurnar fjölmörg sérálit er ljóst að allt of fáir aðilar koma að því að skrifa undir tillögur Þorsteins Sæmundssonar, formanns nefndarinnar. Eftir því sem ég best veit eru það bara stjórnarliðar og fulltrúar Samtaka atvinnulífsins og ASÍ sem skrifuðu undir.“

Hún segir það alveg ljóst að ráðherra sé ekki að fá skýrslu sem sýni ótvíræða samstöðu þar sem niðurstaðan sé einróma og hvetur því ráðherra til að horfa til faglegra tillagna ÖBÍ í þessum efnum.

mbl.is

Bloggað um fréttina

Innlent »

Verða ekki skráðar foreldrar barnsins

15:37 Hæstiréttur hefur staðfest niðurstöðu héraðsdóms í máli tveggja kvenna sem fóru fram á að drengur sem staðgöngumóðir í Bandaríkjunum ól fyrir þær yrði skráður sem sonur þeirra hjá Þjóðskrá. Meira »

Ákærður fyrir að hafa banað Birnu

15:22 Grænlenski karlmaðurinn sem setið hefur í gæsluvarðhaldi grunaður um að hafa banað Birnu Brjánsdóttur hefur verið ákærður fyrir manndráp og stórfellt fíkniefnalagabrot. Var hann jafnframt úrskurðaður í fjögurra vikna langt gæsluvarðahald fyrir Héraðsdómi Reykjaness upp úr klukkan þrjú í dag. Meira »

Guðni Th. og Guðlaugur Þór funda með Pútín

15:18 Innflutningsbann Rússa á íslenskar vörur og norðurslóðamál voru meðal umræðuefna Guðna Th. Jóhannessonar, forseta Íslands og Guðlaugs Þórs Þórðarsonar utanríkisráðherra á fundi þeirra með Vladimír Pútín Rússlandsforseta í Arkhangelsk í dag. Meira »

Guðni Th. í pallborðsumræðum með Pútín

14:55 Guðni Th. Jóhannsson, forseti Íslands tók í dag þátt í ráðstefnu um málefni heimskautaslóða í Arkhangelsk í Rússlandi þar sem hann varaði við ástandi hafsins. Forsetinn greip einnig til rússneskunnar er hann vitnaði í rússneskt máltæki um að ekkert væri dýrmætara en sönn vinátta. Meira »

Kallar S-hópinn „Svika-hópinn“

14:46 Björgólfur Thor Björgólfsson kallar S-hópinn „Svika-hópinn“ í pistli á vefsíðu sinni um skýrslu rannsóknarnefndar Alþingis vegna sölunnar á hlut ríkisins í Búnaðarbankanum árið 2003. Meira »

Neyðarfundur vegna skattahækkana

14:39 Samtök ferðaþjónustunnar hafa boðað til félagsfundar með skömmum fyrirvara vegna áforma ríkisstjórnarinnar um að færa ferðaþjónustuna úr lægra virðisaukaskattþrepi upp í hærra. Upplýsingafulltrúi SAF segir að mikill hiti sé í ferðaþjónustuaðilum og segir tíðindin fela í sér „kaldar kveðjur“. Meira »

Flestar hugmyndir tengdar Grafarvogi

13:47 Samtals bárust 1.080 hugmyndir í hugmyndasöfnunina Hverfið mitt sem Reykjavíkurborg stendur fyrir. Síðast bárust 915 hugmyndir og þar áður voru þær 597 talsins. Flestar hugmyndirnar bárust er varða Grafarvog, eða 180 talsins. Meira »

Fái greitt fyrir vistvænan ferðamáta

14:38 Lagt er til að samgöngusamningar verði teknir í notkun hjá Reykjavíkurborg frá og með 1. september. Markmiðið er að auka hlutfall starfsmanna sem nýta vistvænar samgöngur til og frá vinnu og/eða vegna ferða í þágu vinnuveitanda. Meira »

Albert og Katla tóku sæti á þingi

13:40 Sjálfstæðismaðurinn Albert Guðmundsson og píratinn Katla Hólm Þorhildardóttir tóku sæti á Alþingi í dag. Hvorugt þeirra hafði áður tekið sæti á Alþingi og skrifuðu þau því undir drengskaparheit að stjórnarskránni við upphaf þingfundar í morgun. Meira »

„Nauðganafaraldur“ - 58 fleiri mál

13:36 58 fleiri nauðgunarmál komu inn á borð til Stígamóta á árinu 2016 en 2015. Mikil aukning er á tilkynntum hópnauðgunum og lyfjanauðgunum. „Það er nærtækt að álykta að nauðgunarfaraldur hafi átt sér stað,“ segir talskona Stígamóta. Þá hafi átak samtakanna gert fólki auðveldara að stíga fram. Meira »

„Hef ég keypt banka?“

13:04 „Ég heyrði sagt að þú hefðir keypt banka Jón Hreggviðsson sagði Arneus. Er það rétt?“ sagði Vilhjálmur Bjarnason en hann vitnaði í Íslandsklukkuna við umræðu um skýrslu rannsóknarnefndar Alþingis um aðkomu þýska bankans Hauck & Aufhäuser að kaupum á Búnaðarbankanum á Alþingi. Meira »

Ungir Píratar ósáttir við aðbúnað flóttafólks

12:57 Ungir Píratar krefjast þess að íslensk stjórnvöld og Útlendingastofnun bæti aðstöðu flóttafólks og hælisleitenda hér á landi. Meira »

Eðlilegt að farið sé yfir skýrsluna

12:28 Skattrannsóknarstjóri ætlar að fara yfir það sem kemur fram í skýrslu rannsóknarnefndar Alþingis vegna sölu á 45,8% hlut í Búnaðarbankanum árið 2003. Meira »

Áhrif loftslagsbreytinga verða víðtæk

11:55 „Það er enginn vafi á því að afleiðingar loftslagsbreytinga fyrir náttúru og þjóðlíf verða víðtækar. Það er mjög einföld fullyrðing sem er auðvelt að verja og þær eru nú þegar orðnar nokkrar,“ segir Halldór Björnsson, sérfræðingur og formaður vísindanefndar um Loftslagsbreytingar. Meira »

Ástæða til að ljúka rannsókn

11:01 Benedikt Jóhannesson fjármála- og efnahagsráðherra sagði að það væri ástæða til að ljúka rannsókn á einkavæðingarferli bankanna. Þetta sagði hann í óundirbúnum fyrirspurnum á Alþingi í dag en Katrín Jakobsdóttir, formaður VG, spurði hvort ekki væri ástæða til að fá allt fram um þessi mál. Meira »

Opna ungbarnadeildir á leikskólum

12:05 Borgarráð samþykkti á fundi sínum í morgun tillögur frá stýrihópnum Brúum bilið um að setja á fót ungbarnadeildir við fjóra leikskóla borgarinnar næsta haust. Verða þær sérhæfðar, með aðstöðu, leikrými og búnaði sem hæfir þroska og tryggir öryggi barna á öðru og þriðja aldursári. Meira »

„Ég er bara svo hissa“

11:22 Jón Þór Ólafsson, þingmaður pírata, spurði fjármálaráðherra í óundirbúnum fyrirspurnum á Alþingi í dag hvort að landsmenn allir ættu ekki að vita hverjir eru raunverulegir kaupendur að hlutum Arion banka. Meira »

Framhald í máli Birnu ákveðið í dag

10:55 Krafa héraðssaksóknara um áframhaldandi gæsluvarðhald yfir manninum sem grunaður er um að hafa banað Birnu Brjánsdóttur verður tekin fyrir í héraðsdómi klukkan 15 í dag. Maðurinn hefur setið í gæsluvarðhaldi í 10 vikur, en saksóknari hefur heimild til að halda mönnum í varðhaldi í 12 vikur. Meira »
Einbýlishús á Siglufirði
Mikið endurnýjað einbýlishús 2 hæðir og ris 3 svefnherbergi 2 salerni m/sturt...
Sumarhús í Biskupstungum- lausar helgar..
Falleg sumarhús til leigu í vetur, um helgar og virka. Leiksvæði, heitur pottur...
Stimplar
...
www.flutningur.is 5753000 sendibilastöð
Stöðin býður upp á allar stærðir sendibíla og veitir trausta og umfram allt góð...
 
Framhald uppboðs
Nauðungarsala
Uppboð Einnig birt á www.naudungarsolu...
Eldri borgarar
Staður og stund
Aflagrandi 40 Opin vinnustofa kl. 9, mor...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Framhald uppboðs
Nauðungarsala
Uppboð Einnig birt á www.naudungarsolu...