Ný deild með 18 rúmum

Í dag var opnuð á Landakoti sérstök útskriftardeild Landspítala með ...
Í dag var opnuð á Landakoti sérstök útskriftardeild Landspítala með 18 rúmum sem ætluð er þeim sem að mati sérfræðiteymis eru færir um að útskrifast heim til sín innan 30 daga ef vel er á málum haldið. mbl.is/Golli / Kjartan Þorbjörnsson

Opnuð verður 18 rúma útskriftardeild á Landspítala, endurhæfingarrýmum verður fjölgað, heimahjúkrun á höfuðborgarsvæðinu efld og stefnt er að helgaropnun að nýju á Hjartagáttinni. Þessar aðgerðir og fleiri eru liður í aðgerðum til að mæta útskriftarvanda Landspítalans. Þetta kemur fram á vef Velferðarráðuneytisins. 

Á Landspítala liggur á hverjum tíma hópur sjúklinga sem lokið hefur meðferð á legudeild. Hluti hópsins bíður eftir hjúkrunarrými en aðrir þarfnast endurhæfingar eða annars konar þjónustu eða stuðnings til að geta verið á eigin heimili.

„Þau úrræði sem hér eru kynnt eru afrakstur vandaðrar vinnu sérfræðinga sem hafa greint hvar skórinn kreppir helst og hvaða leiðir séu líklegastar til að skila mestum ávinningi fyrir Landspítalann og þjóna sjúklingum best, ekki síst öldruðum“ er haft eftir Kristjáni Þór Júlíussyni heilbrigðisráðherra.

Í fjárlögum þessa árs var ákveðið að veita einum milljarði króna til verkefna til að bregðast við útskriftarvanda Landspítalans og tryggja þeim sem lokið hafa sjúkrahúsmeðferð úrræði og þjónustu við hæfi. Sitthvað hefur verið gert það sem af er ári til að bregðast við aðstæðum á Landspítala en samhliða hefur verið unnið að því að skipuleggja viðameiri aðgerðir í þessu skyni, líkt og þær sem hér eru taldar:

Fyrir þá sem færir eru um að útskrifast innan 30 daga

Í dag var opnuð á Landakoti sérstök útskriftardeild Landspítala með 18 rúmum sem ætluð er þeim sem að mati sérfræðiteymis eru færir um að útskrifast heim til sín innan 30 daga ef vel er á málum haldið. Um er að ræða tilraunaverkefni til eins árs. Strax og sjúklingur leggst inn á deildina hefst undirbúningur að útskrift hans í samvinnu við heimahjúkrun, heimaþjónustu og aðstandendur.

Biðtími aldraðra á bráðamóttöku hefur lengst hlutfallslega meira en annarra sjúklinga. Ástæðan er rakin til þess að aldraðir eru iðulega með samþætt, langvinn og flókin heilsufarsvandamál  sem ekki teljast til forgangsverkefna á bráðamóttöku. Til að bregðast við þessu verður stofnuð greiningardeild að erlendri fyrirmynd með getu til að hraða greiningu og finna viðeigandi meðferð þar sem byggt er á þverfaglegri nálgun. Bætt flæði og betri þjónusta er markmið þessa úrræðis.

Endurhæfingarrýmum á Eir fjölgað úr 12 í 24

Á hjúkrunarheimilinu Eir hafa um árabil verið starfrækt 12 endurhæfingarrými fyrir fólk sem útskrifast af Landspítala en þarfnast endurhæfingar. Gerðar hafa verið ráðstafanir sem gera kleift að bæta við 12 endurhæfingarrýmum til viðbótar og verða þau einnig nýtt fyrir endurhæfingu sjúklinga af Landspítala.

Sett verður á fót sérhæft teymi til að efla stuðning við búsetu fólks í heimahúsum. Samvinna heimahjúkrunar, heilsugæslunnar og Landspítalans verður jafnframt aukin í þessu skyni.

Stefnt að rýmri opnunartíma Hjartagáttar Landspítalans

Undanfarin ár hefur Hjartagátt Landspítalans aðeins verið opin virka daga, þótt ítrekað hafi þurft að opna hana um helgar vegna mikils álags. Opnunartími hennar verður nú lengdur á föstudögum og stefnt er að því að helgaropnun allan sólarhringinn í september. Horft er til þess að með samfelldri þjónustu Hjartagáttarinnar alla daga vikunnar megi stytta legutíma hjartasjúklinga, bæta flæði sjúklinga frá bráðamóttöku og síðast en ekki síst auka öryggi sjúklinga með bráð hjartavandamál.

Þverfaglegt öldrunarteymi sem starfar á Landspítala verður eflt og geta þess til að meta sjúklinga, beina þeim í viðeigandi úrræði og sinna eftirfylgni þannig aukin.

Unnið er að ýmsum öðrum leiðum til að auðvelda útskrift sjúklinga sem lokið hafa meðferð á Landspítala. Þar má nefna fjölgun hjúkrunarrýma á nokkrum stöðum á landinu þar sem húsrými er fyrir hendi, fjölgun dagdvalarrýma, m.a. fyrir heilabilaða og aukið samstarf Landspítala við heilbrigðisstofnanir víðsvegar um landið.

Uppfært kl 15:56: Í upphaflegu fréttinni kom fram að Hjartagáttinn yrði opnuð um helgar en hið rétta er að stefnt er að helgaropnun frá og með september. Opnunartíminn var aðeins lengdur til miðnættis á föstudögum núna.

mbl.is

Innlent »

Litlar breytingar á veðrinu

06:49 Svipað veður í dag og verið hefur, hæg suðvestlæg átt og stöku skúrir. Suðlægari á morgun, en austlægari norðan til og síðar norðaustlægari um kvöldið, einkum við ströndina. Hiti breytist lítið, segir í hugleiðingum veðurfræðings á vef Veðurstofu Íslands. Meira »

Bílvelta á Svalbarðsströnd

05:59 Tvær ferðakonur sluppu ómeiddar þegar þær veltu bifreið sinni á Svalbarðsströnd um fimm leytið í morgun.   Meira »

Kveiktu varðeld í Elliðaárdalnum

05:56 Lögreglunni barst ábending um tvo menn sem voru búnir að kveikja varðeld við Vatnsveituveg í Elliðaárdal á þriðja tímanum í nótt. Var þeim gert að slökkva eldinn, samkvæmt dagbók lögreglunnar á höfuðborgarsvæðinu. Meira »

Dópaður og vopnaður

05:48 Lögreglan stöðvaði för bifreiðar á Miklubraut rétt fyrir tvö í nótt. Ökumaðurinn er grunaður um akstur bifreiðar undir áhrifum fíkniefna og brot á vopnalögum. Meira »

Færri taka strætó en spáð var

05:30 Farþegum strætisvagna á höfuðborgarsvæðinu hefur fjölgað mun minna á síðustu árum en spáð var. Þeim fjölgaði um 18,8% árin 2011 til 2015 en þá jukust framlög ríkis og sveitarfélaga um 45% að raunvirði. Meira »

Borgarfulltrúi styðst við 27 ára gamla rannsókn

05:30 „Hjálmar Sveinsson hefur fullyrt í viðtölum að nagladekk slíti götum 60-100 sinnum meira en venjuleg dekk. Þar er Hjálmar að vísa í rannsókn frá árunum í kringum 1990,“ segir Özur Lárusson, framkvæmdastjóri Bílgreinasambandsins. Meira »

Úrkomumet slegið á Austfjörðum

00:30 Á Skjaldþingsstöðum í Vopnafirði var úrkomumet slegið á laugardaginn. Þar var mesta úrkoma á sólarhring í júnímánuði. Þetta segir Óli Þór Árnason, veðurfræðingur hjá Veðurstofu Íslands. Meira »

Efast um talningu ferðamanna

05:30 Kristján Daníelsson, framkvæmdastjóri Kynnisferða sem m.a. reka Flugrútuna, segist efast um að talning ferðamanna um Leifsstöð sé rétt. Meira »

Kona í staðinn fyrir hús

Í gær, 21:20 Ég var aldrei barn, grunnsýning Byggðasafns Vestfjarða, var ekki að ósekju opnuð á kvenréttindadaginn 19. júní. Enda hverfist hún um Karítas Skarphéðinsdóttur, fiskverkakonu á Ísafirði á öndverðri tuttugustu öldinni, kvenskörung mikinn og baráttukonu fyrir bættum kjörum og aðbúnaði fiskvinnslufólks. Meira »

Hagkvæmara að flytja inn frá Evrópu

Í gær, 21:18 „Hugmyndin að opnun Costco á Íslandi var fyrst sett fram af kanadísku deildinni okkar. Forsvarsmenn okkar í Kanada höfðu tekið eftir því að töluvert var pantað af vörum frá þeim til Íslands og sáu tækifæri í því að setja upp hliðstæða starfsemi þar og þeir höfðu þróað á Nýfundnalandi.“ Meira »

Rörasprengja í strætóskýli í Kópavogi

Í gær, 20:46 Sprengjudeild sérsveitarinnar var kölluð að Hlíðarvegi í Kópavogi um kvöldmatarleytið eftir að tilkynnt var um óþekktan hlut í strætóskýli við götuna. Það var lögregla sem kallaði sérsveitina til, en henni barst ábending frá vegfaranda. Meira »

Óvenjumargar steypireyðar

Í gær, 20:07 Óvenjumargar steypireyðar hafa sést í Skjálfandaflóa að undanförnu. Háir blástrar hafa blasað við farþegum hvalaskoðunarbáta á Skjálfanda þar sem sást til hvorki meira né minna en sex dýra í fyrradag. Þykir það óvenjumikið í einni og sömu ferðinni. Meira »

Helmingur fundargesta WOW frá Icelandair

Í gær, 19:51 „Í fljótu bragði sýnist mér að það hafi verið hátt í 150 manns á þessum fundi og ég get trúað því að af þeim hafi 70 til 80 verið flugmenn Icelandair sem vilja skoða hvað þessi vinnuveitandi hefur upp á að bjóða,“ segir Jóhann Óskar Borgþórsson, varaformaður Félags íslenska atvinnuflugmanna. Meira »

23 þúsund pennar á 11 árum

Í gær, 19:00 „Ég ætlaði aldrei að byrja að safna,“ segir Þröstur Ingi Guðmundsson pennasafnari, en hann hefur safnað rúmlega 23 þúsund pennum og skráir þá alla skilmerkilega. Meira »

Engin landamæri á netinu

Í gær, 18:20 „Það eru engin sérstök landamæri á netinu frekar en áður þannig að það er alveg hægt að herja á hvaða tölvu sem er, óháð því í hvaða landi hún er,“ segir sérfræðingur um tölvuöryggismál. Tilmæli hans til almennings, fyrirtækja og stofnana eru skýr: Uppfærið hugbúnað. Meira »

Hálfi milljarðurinn gekk ekki út

Í gær, 19:14 Enginn var með allar tölur réttar þegar dregið var út í Vík­ingalottó. Fyrsti vinningur nam 523 milljónum króna en annar vinningur tæpum 28 milljónum. Meira »

Gönguhópur í sjálfheldu á Vestfjörðum

Í gær, 18:26 Björgunarsveitir Slysavarnafélagsins Landsbjargar hafa verið kallaðar út vegna gönguhóps sem er í sjálfheldu á fjallinu Öskubak. Að minnsta kosti þrír hópar eru á leið á staðinn auk harðbotnabjörgunarbáts en skoða þarf hvort öruggara sé að komast að fólkinu frá landi eða sjó. Meira »

Íslendingar leggja mest til UN Women

Í gær, 17:52 Landsnefnd UN Women á Íslandi leggur samtökunum til hæsta fjárframlag allra landsnefnda, óháð höfðatölu. Þetta kemur fram í nýrri skýrslu UN Women, stofnunar Sameinuðu þjóðanna í þágu kvenna og jafnréttis um allan heim, fyrir árið 2016. Meira »
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
GERVIHNATTADISKUR FIBER 180 CM O.TILH.
SATELIT diskur Fiber 180 cm, skiptari og ,,Polar Mount,, heitgalvaniserað, allir...
Húsbíll til sölu
Ford Transit Rimor húsbíll. Nýskr 30.05.2008. Ekinn 84þús. Vél 2.2. 5 gíra. Ey...
 
Aðalfundur
Fundir - mannfagnaðir
Aðalfundur Félagsmenn í Félagi...
Framhald uppboðs
Nauðungarsala
Uppboð Einnig birt á www.naudungarsolu...
Blaðbera á akureyri
Ófaglært starfsfólk
Blaðberar Morgunblaðið óskar eftir ...
Félagsstarf aldraðra
Staður og stund
Árskógum 4 Félagsstarfið er með opið í s...