Ný deild með 18 rúmum

Í dag var opnuð á Landakoti sérstök útskriftardeild Landspítala með ...
Í dag var opnuð á Landakoti sérstök útskriftardeild Landspítala með 18 rúmum sem ætluð er þeim sem að mati sérfræðiteymis eru færir um að útskrifast heim til sín innan 30 daga ef vel er á málum haldið. mbl.is/Golli / Kjartan Þorbjörnsson

Opnuð verður 18 rúma útskriftardeild á Landspítala, endurhæfingarrýmum verður fjölgað, heimahjúkrun á höfuðborgarsvæðinu efld og stefnt er að helgaropnun að nýju á Hjartagáttinni. Þessar aðgerðir og fleiri eru liður í aðgerðum til að mæta útskriftarvanda Landspítalans. Þetta kemur fram á vef Velferðarráðuneytisins. 

Á Landspítala liggur á hverjum tíma hópur sjúklinga sem lokið hefur meðferð á legudeild. Hluti hópsins bíður eftir hjúkrunarrými en aðrir þarfnast endurhæfingar eða annars konar þjónustu eða stuðnings til að geta verið á eigin heimili.

„Þau úrræði sem hér eru kynnt eru afrakstur vandaðrar vinnu sérfræðinga sem hafa greint hvar skórinn kreppir helst og hvaða leiðir séu líklegastar til að skila mestum ávinningi fyrir Landspítalann og þjóna sjúklingum best, ekki síst öldruðum“ er haft eftir Kristjáni Þór Júlíussyni heilbrigðisráðherra.

Í fjárlögum þessa árs var ákveðið að veita einum milljarði króna til verkefna til að bregðast við útskriftarvanda Landspítalans og tryggja þeim sem lokið hafa sjúkrahúsmeðferð úrræði og þjónustu við hæfi. Sitthvað hefur verið gert það sem af er ári til að bregðast við aðstæðum á Landspítala en samhliða hefur verið unnið að því að skipuleggja viðameiri aðgerðir í þessu skyni, líkt og þær sem hér eru taldar:

Fyrir þá sem færir eru um að útskrifast innan 30 daga

Í dag var opnuð á Landakoti sérstök útskriftardeild Landspítala með 18 rúmum sem ætluð er þeim sem að mati sérfræðiteymis eru færir um að útskrifast heim til sín innan 30 daga ef vel er á málum haldið. Um er að ræða tilraunaverkefni til eins árs. Strax og sjúklingur leggst inn á deildina hefst undirbúningur að útskrift hans í samvinnu við heimahjúkrun, heimaþjónustu og aðstandendur.

Biðtími aldraðra á bráðamóttöku hefur lengst hlutfallslega meira en annarra sjúklinga. Ástæðan er rakin til þess að aldraðir eru iðulega með samþætt, langvinn og flókin heilsufarsvandamál  sem ekki teljast til forgangsverkefna á bráðamóttöku. Til að bregðast við þessu verður stofnuð greiningardeild að erlendri fyrirmynd með getu til að hraða greiningu og finna viðeigandi meðferð þar sem byggt er á þverfaglegri nálgun. Bætt flæði og betri þjónusta er markmið þessa úrræðis.

Endurhæfingarrýmum á Eir fjölgað úr 12 í 24

Á hjúkrunarheimilinu Eir hafa um árabil verið starfrækt 12 endurhæfingarrými fyrir fólk sem útskrifast af Landspítala en þarfnast endurhæfingar. Gerðar hafa verið ráðstafanir sem gera kleift að bæta við 12 endurhæfingarrýmum til viðbótar og verða þau einnig nýtt fyrir endurhæfingu sjúklinga af Landspítala.

Sett verður á fót sérhæft teymi til að efla stuðning við búsetu fólks í heimahúsum. Samvinna heimahjúkrunar, heilsugæslunnar og Landspítalans verður jafnframt aukin í þessu skyni.

Stefnt að rýmri opnunartíma Hjartagáttar Landspítalans

Undanfarin ár hefur Hjartagátt Landspítalans aðeins verið opin virka daga, þótt ítrekað hafi þurft að opna hana um helgar vegna mikils álags. Opnunartími hennar verður nú lengdur á föstudögum og stefnt er að því að helgaropnun allan sólarhringinn í september. Horft er til þess að með samfelldri þjónustu Hjartagáttarinnar alla daga vikunnar megi stytta legutíma hjartasjúklinga, bæta flæði sjúklinga frá bráðamóttöku og síðast en ekki síst auka öryggi sjúklinga með bráð hjartavandamál.

Þverfaglegt öldrunarteymi sem starfar á Landspítala verður eflt og geta þess til að meta sjúklinga, beina þeim í viðeigandi úrræði og sinna eftirfylgni þannig aukin.

Unnið er að ýmsum öðrum leiðum til að auðvelda útskrift sjúklinga sem lokið hafa meðferð á Landspítala. Þar má nefna fjölgun hjúkrunarrýma á nokkrum stöðum á landinu þar sem húsrými er fyrir hendi, fjölgun dagdvalarrýma, m.a. fyrir heilabilaða og aukið samstarf Landspítala við heilbrigðisstofnanir víðsvegar um landið.

Uppfært kl 15:56: Í upphaflegu fréttinni kom fram að Hjartagáttinn yrði opnuð um helgar en hið rétta er að stefnt er að helgaropnun frá og með september. Opnunartíminn var aðeins lengdur til miðnættis á föstudögum núna.

mbl.is

Innlent »

Vegfarendur fari varlega við ár

Í gær, 22:56 Búast má við leysingum og vatnavöxtum næstu daga samkvæmt upplýsingum frá Veðurstofu Íslands. Fram kemur í athugasemdum veðurfræðings að þónokkur snjór sé í fjöllum, einkum um landið norðan- og austanvert. Meira »

Mótmæltu brottvísun hælisleitanda

Í gær, 21:47 Um 30 manns komu saman fyrir utan lögreglustöðina á Hverfisgötu í kvöld til að mótmæta brottvísun Ezes Okafors, fórnarlambs hryðjuverkasamtakanna Boko Haram í Nígeríu, en til stendur að senda hann úr landi í fyrramálið. Meira »

Stundum pirruð en annars fullkomin

Í gær, 21:09 Forsetaframbjóðandinn Elísabet Jökulsdóttir segir það draum sinn að gera Bessastaði að barna- og unglingamiðstöð. Þetta kom meðal annars fram þegar hún svaraði spurningum áhorfenda í beinni útsendingu á facebooksíðu Nova í dag. Meira »

Snæfríður og Kópavogsbær ná sátt

Í gær, 20:26 Forráðamenn Snæfríðar Ingadóttur og Kópavogsbær hafa náð sátt í dómsmáli sem foreldrarnir höfðuðu gegn Kópavogsbæ. Eins og mbl.is fjallaði um í dag snerist málið um þá ákvörðun bæjarins að synja Snæfríði, sem er með sjaldgæfan augnsjúkdóm og skilgreind lögblind, um þá ósk að fá sams konar leigubílaþjónustu og nágrannasveitarfélögin bjóða upp á. Meira »

Þyrlan komin af slysstað

Í gær, 20:22 Flak þyrlu Ólafs Ólafs­son­ar var í dag flutt af slysstað, en þyrla Landhelgisgæslunnar, TF-LÍF, aðstoðaði Rannsóknarnefnd samgönguslysa við að flytja hana niður að Nesjavallavirkjun. Þaðan var þyrlan flutt til Reykjavíkur með flutningabíl. Meira »

„Þetta er bara hættulegt“

Í gær, 20:20 Hjólreiðafólki hefur fjölgað talsvert á Íslandi og sést það best á aukinni umferð þess á höfuðborgarsvæðinu. Byggðir hafa verið hjólastígar víða og í vor var byrjað að hreinsa þá af sandi sem þar safnast yfir vetrartímann. María Ögn Guðmundsdóttir hjólaþjálfari segir hreinsunina þó ganga hægt. Meira »

Tímamót hjá United Silicon

Í gær, 19:45 Á mánudagskvöldið kom fyrsti farmurinn af hráefni fyrir nýtt kísilmálmver United Silicon í Helguvík. Um var að ræða tæplega sex þúsund tonn af kvars, steintegund sem er meðal grunnefna sem notuð eru við kísilmálmvinnsluna. Gert er ráð fyrir að framleiðsla hefjist að fullu í lok júlí. Meira »

Vill taka Hollywood til Íslands

Í gær, 19:49 „Fólk er oft að spyrja mig af hverju ég er ekki úti í Hollywood en ég segi þá bara að mig langi að taka Hollywood hingað, og það góða af því,“ segir Baltasar Kormákur, en borgarráð samþykkti á dögunum að selja framleiðslufyrirtæki hans, RVK-studios, fjórar fasteignir í Gufunesi. Meira »

Lagaði borðið upp á eigin spýtur

Í gær, 19:37 Bókasafnsfræðingurinn Dröfn Vilhjálmsdóttir trúði varla sínum eigin augum í dag þegar nemandi Seljaskóla, þar sem hún starfar, rogaðist með fallegt borð inn á skólasafnið. Í síðustu viku fékk hann leyfi til að laga ónýtt borð sem átti að henda og kom árangurinn kennurum og samnemendum hans á óvart. Meira »

Guðni með 57% fylgi

Í gær, 19:16 Davíð Oddsson nýtur stuðnings 22% kjósenda til embættis forseta Íslands samkvæmt niðurstöðum nýrrar skoðanakönnunar Gallups sem gerð var fyrir stuðningsmenn Davíðs, en um 57% kjósenda vilja Guðna Th. Jóhannesson í embættið. Meira »

„Þetta setur allt úr skorðum“

Í gær, 19:07 „Okkur finnst bagalegt að flugvellinum sé lokað í svona langan tíma,“ segir Svanhvít Friðriksdóttir, upplýsingafulltrúi flugfélagsins WOW air, en yfirvinnubann flugumferðarstjóra mun hafa áhrif á um 20 ferðir flugfélagsins í nótt. Meira »

Sóley hættir í borgarstjórn

Í gær, 19:03 Sóley Tómasdóttir, borgarfulltrúi Vinstrihreyfingarinnar – græns framboðs, ætlar að hætta í borgarstjórn Reykjavíkur í haust. Þetta tilkynnir hún á Facebook í kvöld. Fjölskyldan ætli að flytjast til Hollands þar sem eiginmaður hennar Aart fer í nýtt starf hjá Marel þar í landi og hún í meistaranám í uppeldisfræði. Meira »

38 milljónir á íslenskan miða

Í gær, 18:37 Fimm heppnir lottóspilarar skipta með sér fyrsta vinningnum í Víkingalottói kvöldsins og fær hver um sig rúmlega 62 milljónir króna í sinn hlut. Meira »

Mjög þrengt að háskólakennslu

Í gær, 18:24 Gerðar eru alvarlegar athugasemdir við fjármálaáætlun fjármála- og efnahagsráðuneytisins fyrir árin 2017–2021 í ályktun sem aðalfundur Félags prófessora við ríkisháskóla hefur sent frá sér og samþykkt var samhljóða í dag. Meira »

Frumvarp gegn skattsvikum í lágskattaríkjum

Í gær, 18:04 Bjarni Benediktsson, fjármála- og efnahagsráðherra, hefur lagt fram á Alþingi frumvarp til laga um aðgerðir stjórnvalda til að sporna við skattsvikum vegna eignarhalds í lágskattaríkjum. Fram kemur í fréttatilkynningu að frumvarpið feli í sér ýmsar breytingar á skatta- og tollalögum. Meira »

1,9 milljónir í skaðabætur vegna lekans

Í gær, 18:27 Héraðsdómur Reykjavíkur dæmdi í dag Fjarskipti hf., eiganda Vodafone, til að greiða einstaklingi rúmar 1,9 milljónir í skaðabætur vegna gagnaleka sem varð í nóvember 2013. Byggði hann á því að hafa orðið fyrir tjóni vegna upplýsinga sem tölvuþrjótur stal af „Mínum síðum“ á heimasíðu Fjarskipta hf. Meira »

Línur á korti eða manngert kerfi?

Í gær, 18:15 „Áður en við byrjuðum vissi ég nánast ekki neitt um hvernig allt þetta ferli virkaði og fyrir mér voru landamæri einmitt bara línur á landakorti,“ segir Katrín Ásmundsdóttir, annar stjórnandi sjónvarpsþáttarins Hæpsins á RÚV. Meira »

Jafnréttisviðurkenning til Reykjavíkurborgar og Kvennaathvarfs

Í gær, 18:01 Reykjavíkurborg og starfsfólk borgarinnar og Samtök um kvennaathvarf hafa hlotið jafnréttisviðurkenningu Jafnréttisráðs árið 2016. Eygló Harðardóttir, félags- og húsnæðismálaráðherra, afhenti viðurkenningarnar við hátíðlega athöfn í gær. Meira »
Óska eftir íbúð til leigu í Reykjavík
Óska eftir einstaklingsíbúð til langtíma leigu í 101,105 eða 107 frá 1 júni. Re...
MAX TW897 JÁRNABINDIVÉL
MAX TW897 járnabindivél Til sölu nýleg MAX TW897 járnabindivél. Upplýsingar í sí...
Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
VAÐNES-sumarbústaðalóðir
Til sölu fallegar sumarhúsalóðir með aðgangi að heitu og köldu vatni í vinsælu s...
 
Atvinna
Önnur störf
Við óskum eftir faglegum verkefnalóðs...
Eyjaslóð 9
Atvinnuhúsnæði
TIL LEIGU GRANDINN EYJARSLÓÐ 9 Til...
Hjúkrunarfræðingar á dagdeild
Heilbrigðisþjónusta
Eir hjúkrunarheimili dagdeild Óskum...
Aðstoðarskólastjóri
Stjórnunarstörf
BLÖNDUÓSBÆR - AÐSTOÐARSKÓLASTJÓRI Stað...