Ekki 110 ára leynd yfir bankaskjölum

Ekki ríkir 110 ára leynd yfir skjölunum um uppgjör gömlu bankanna, sem alþingismenn hafa fengið að skoða í trúnaði, eins og skilja hefur mátt af fréttum.

Um þau atriði í skjölunum þar sem er að finna upplýsingar um fjárhagsleg málefni einstaklinga gildir 80 ára trúnaðarregla samkvæmt lögum um opinber skjalasöfn.

Formaður og varaformaður fjárlaganefndar Alþingis, Vigdís Hauksdóttir og Guðlaugur Þór Þórðarson, ætla að óska eftir því við fjármálaráðuneytið að trúnaði yfir skjölunum verði aflétt, að því er fram kemur í Morgunblaðinu í dag.