Engin jarðskjálftavirkni hefur mælst við Bárðarbungu síðan klukkan 1:30 í nótt og engin merki eru um óróa á svæðinu. Þetta segir Einar Hjörleifsson, náttúruvásérfræðingur hjá Veðurstofu Íslands í samtali við mbl.is.

Um 00:10 í nótt varð jarðskjálfti í Bárðarbungu sem mældist 4,2 stig. Varð hann á norðurbrún Bárðarbunguöskjunnar en þetta var stærsti skjálfti á svæðinu síðan að gosi þar lauk í febrúar 2015. Í kjölfarið fylgdu 15 eftirskjálftar. „Það eru engin merki um kvikuhreyfingar, eldsvirkni eða óróa,“ segir Einar og bætir við að talið sé líklegt að skjálftarnir tengist hreyfingum á hringsprungu öskjunnar.

Að sögn Einars fór að hægja á virkninni um klukkan 1:30 og er búið að vera rólegt síðan þá. „En við fylgjum mjög grannt með þessa stundina.“

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• Blogga um frétt