25 ár eru í dag liðin síðan Einar K. Guðfinnsson og Össur Skarphéðinsson voru kjörnir til setu á Alþingi, eða í kosningum 20. apríl 1991.
Þetta kom fram í máli Kristjáns L. Möller, 1. varaforseta Alþingis, á þingfundi í dag.
„25 ár er langur tími í stjórnmálum. Þeir eru ekki margir í seinni tíð sem eiga svona langa setu á þinginu,“ sagði Kristján.
„Ég vil óska þeim til hamingju með farsælan og langan þingmennskuferil. Þrátt fyrir langan feril eru háttvirtir þingmenn með yngstu mönnum hér, alla vega í anda og fjöri.“