Það voru kátir leikskólakrakkar sem kvöddu Eurovision-farann Gretu Salóme á torginu í Mosfellsbæ í morgun. Þar kom hún fram og flutti lagið „Hear Them Calling“ sem hún mun flytja í söngvakeppninni sem haldin verður í Stokkhólmi dagana 10., 12. og 14. maí. Krakkarnir héldu sig þó við íslensku útgáfuna en lagið heitir „Ég heyri raddirnar“ upp á okkar ylhýra.
Mosfellsbær er heimabær Gretu Salóme en þetta er annað árið í röð sem framlag Íslands í keppninni eru flutt af Mosfellingum en María Ólafsdóttir sem keppti fyrir hönd Íslands í fyrravor er einnig úr Mosfellsbæ.
mbl.is var á staðnum.