Hælisleitendur handteknir í Sundahöfn

Tveir karlmenn voru handteknir á athafnasvæði Eimskips við Sundahöfn á þriðja tímanum í nótt. Mennirnir eru hælisleitendur og voru að reyna að komast um borð í millilandaskip. Mennirnir vistaðir í fangageymslu fyrir rannsókn máls.

Þetta kemur fram í tilkynningu frá lögreglu.

Þá hafði lögreglan afskipti af nokkrum ökumönnum í gærkvöldi og í nótt sem eru grunaðir um að hafa ekið undir áhrifum áfengis og/eða vímuefna. Einn ökumaður, sem er grunaður um að hafa verið undir áhrifum fíkniefna, er aðeins 17 ára gamall. Foreldri var upplýst um málið. Þá reyndi annar maður að flýja af vettvangi á tveimur jafnfljótum. 

Þá var tilkynnt um slys veitingahúsi við Austurstræti um klukkan tvö í nótt. Kona datt og fékk sár á höfuðið. Sjúkrabifreið fór á vettvang.

• 1 blogg um fréttina

Bloggað um fréttina

• Jóhann Elíasson: Á EKKI AÐ FARA AÐ GERA NEITT Í ÞESSUM MÁLUM???????