Til skoðunar að breyta sjónvarpshúsinu í hótel

Til skoðunar er að breyta gamla sjónvarpshúsinu við Laugaveg í Reykjavík í hótel. Þetta staðfestir Guðjón Auðunsson, forstjóri Reita, í samtali við Morgunblaðið, en húsið er í eignasafni fasteignafélagsins.

„Við höfum verið að velta þessum möguleika fyrir okkur og látið vinna úttekt á því hvort þessi framkvæmd sé hagkvæm,“ segir Guðjón og bendir á að langtíma leigusamningar séu flestir að losna á næstu mánuðum.

Að sögn Guðjóns hefur að vísu ekki verið tekin endanleg ákvörðun um áðurnefnda hóteluppbyggingu innan stjórnar félagsins.