„Ég vildi skoða hvað það var sem hélt fólki í Grímsey og hvað gerði því kleift að búa þarna,“ segir blaðamaðurinn og verðandi mannfræðingurinn Ómar Valdimarsson.
Í meistaraprófsritgerð sinni í mannfræði fjallar hann um samfélagið í Grímsey þar sem samfélagið í eynni er skoðað frá sjónarhóli mannfræðinnar.
Í niðurstöðum sínum kemst Ómar meðal annars að því að hugmyndin um sameiginlegan félagsauð sé límið í samfélaginu, að því er fram kemur í samtali við hann í Morgublaðinu í dag. Framtíð byggðar í eynni er í mikilli hættu að hans mati, en þar spilar nútíminn, fábreytt atvinnulíf og mannlegur breyskleiki stórt hlutverk.