Ferðalangur sem björgunarsveitir leituðu í kvöld á Arnarvatnsheiði er fundinn samkvæmt upplýsingum frá Slysavarnafélaginu Landsbjörgu.
Björgunarsveitir á Vesturlandi og Húnavatnssýslum voru kallaðar út eftir að maðurinn skilaði sér ekki til samferðamanna sinna á fyrirframákveðnum tíma. Höfðu þeir samband við lögreglu sem óskaði eftir aðstoð björgunarsveita.