Eldur braust út í bifreið eftir þriggja bíla árekstur á Bústaðavegi í dag. Um var að ræða aftanákeyrslu en eldurinn kom upp í öftustu bifreiðinni.
Samkvæmt upplýsingum frá slökkviliðinu á höfuborgarsvæðinu gekk greiðlega að slökkva eldinn og engin stórslys urðu á fólki, að minnsta kosti var enginn fluttur á brott með sjúkrabíl.
Áreksturinn varð skammt frá Veðurstofunni rétt fyrir kl. 15. Bifreiðin sem logaði í var dregin á brott að slökkvistarfi loknu, enda óökuhæf.