Þórunn Sveinbjarnardóttir, formaður BHM, segir mikilvægum áfanga náð með samkomulagi um samræmt lífeyriskerfi. Í pistli á heimasíðu BHM segir hún að það kalli á gjörbreytta launastefnu ríkis og sveitarfélaga.

Við blasi að með jöfnun lífeyriskjara þurfi að bæta opinberum starfsmönnum muninn í launum. Bjarni Benediktsson fjármálaráðherra segir að unnið verði í átt að því að eyða launamun þannig að ekki verði til staðar óréttlætanlegur og óútskýranlegur kjaramunur.

Gylfi Arnbjörnsson, forseti ASÍ, fagnar samkomulaginu og bendir á að ASÍ hafi barist fyrir jöfnun lífeyrisréttinda í 70 ár. Hann gerir ráð fyrir því að BHM og KÍ gangi nú inn í rammasamkomulag um þróun launa og tryggi með því sínu fólki hlutdeild í hugsanlegu launaskriði, að því er fram kemur í umfjöllun um mál þetta í Morgunblaðinu í dag.

Tengdar fréttir

Lífeyrismál

Taka á sig 11% lækkun

• Eiga að vera áhyggjulaus ævikvöld, ekki áhyggjufull
• „Markaðirnir voru ekki gjöfulir“
• Besta lífeyriskerfið á Íslandi
• Gild rök fyrir fækkun lífeyrissjóða

» Fleiri tengdar fréttir