Vegagerðin er sérstaklega að skoða tilboð frá pólsku skipasmíðastöðinni Crist SA í smíði nýrrar Vestmannaeyjaferju.
Tilboð fyrirtækisins var það fimmta lægsta, samkvæmt upplýsingum sem fram komu þegar tilboðin voru opnuð. Munar um 600 milljónum á því og tilboði frá kínversku stöðinni Nantong sem var lægst.
Tvö kínversk tilboð, eitt norskt og eitt tyrkneskt voru lægri en það pólska. Við samanburð á tilboðunum reiknuðu Ríkiskaup og Vegagerðin inn aukakostnað við eftirlit, heimsiglingu og fleiri þætti og endurröðuðu tilboðunum samkvæmt því. Það mat hefur ekki verið birt.