Það er hífandi rok víða á vestanverðu landinu. Á gagnvirku korti sem fylgir fréttinni er hægt að fylgjast með lægðinni sem þessu veldur.

Veðurstofan segir að í dag verði suðaustan stormur eða rok á sunnan- og vestanverðu landinu. Snarpar vindhviður verða víða, jafnvel yfir 40 m/s við fjöll. 

Í ábendingum veðurfræðings Vegagerðarinnar segir: Hvessir með morgninum, einkum vestast á landinu og gera má ráð fyrir hviðum 30-35 m/s á Reykjanesbraut, undir Hafnarfjalli og á norðanverðu Snæfellsnesi.

Bættir enn frekar í vind undir kvöld og þá víða stormur eða rok samfara talsverðri rigningu.  Hviður þá allt að 40 m/s og, einnig staðbundið á Vestfjörðum s.s. í Arnardal og í Fljótum í Skagafirði. Varasamar aðstæður, t.d. á Reykjanesbrautinni þegar vatn safnast í hjólför samfara hvassviðri þvert á veginn.

Tengdar fréttir

Vatnsveður í október

Hvasst og krapi

• Stormviðvörun á kjördag
• Léttir til að loknum kosningum
• Veðrið nær hámarki upp úr miðnætti
• Glórulaust veður á Snæfellsnesi

» Fleiri tengdar fréttir

• Blogga um frétt