18 heimilislæknar úskrifaðir

Hinn 6. október sl. útskrifuðust 18 sérfræðingar í heimilislækningum en aldrei hafa fleiri heimilislæknar útskrifast á sama tíma. Sem stendur eru 46 læknar í sérnámi í heimilislækningum hér á landi en námið tekur fimm ár.

Þetta kemur fram í tilkynningu frá velferðarráðuneytinu.

Þar segir að unnið hafi verið að því að fjölga námsstöðum í heimilislækningum og heilsugæsluhjúkrun á síðustu árum. Framlög til heilsugæslunnar hafi verið aukin á fjárlögum á þessu ári og því síðasta í þessu skyni.

„Þessi fjöldi útskrifta er eitt merki þess og eitt af mörgum skrefum sem færir heilsugæsluna nær því að verða sú grunnstoð í heilbrigðiskerfinu sem henni er ætlað að vera og fyrsti viðkomustaður sjúklinga þegar þeir þurfa á heilbrigðisþjónustu að halda,“ er haft eftir Kristjáni Þór Júlíussyni heilbrigðisráðherra, sem segir ánægjulegt að sjá hvernig sú stefna sem unnið hefur verið eftir til að efla heilsugæsluna skilar árangri.

• Blogga um frétt