Gylfi Arnbjörnsson var endurkjörinn forseti Alþýðusambands Íslands á þingi sambandsins í dag. Engin mótframboð bárust þegar forseta- og varaforsetakjör fór fram og voru þeir því endurkjörnir með dynjandi lófaklappi.
Um 300 fulltrúar sátu þingið.
Í frétt á vef ASÍ segir að Ólafía B. Rafnsdóttir, formaður VR, verði 1. varaforseti sambandsins næstu tvö árin og Sigurður Bessason, formaður Eflingar, 2. varaforseti.
Engar breytingar urðu á miðstjórn ASÍ.