„Ég átta mig ekki enn á því, fundurinn er ekki byrjaður og við eigum eftir að ræða málin. Það hefur verið mikið umtal í samfélaginu og við sjáum hvernig fólk upplifir það.“

Þetta sagði Óttarr Proppé, formaður Bjartrar framtíðar, fyrir fund stjórnar flokksins sem nú er hafinn í Gerðubergi í Reykjavík, spurður hvort umræðan um að Bjarni Benediktsson, formaður Sjálfstæðisflokksins, hefði setið á skýrslu um eignir Íslendinga í aflandsfélögum gæti haft áhrif á afgreiðslu fundarins á stjórnarsáttmála fyrirhugaðrar ríkisstjórnar.

Óttarr sagði að lagt hefði verið upp með að fundurinn tæki tvo tíma en hann gæti dregist lengra fram á kvöld. Að skýrslumálinu undanskildu var Óttarr sannfærður um ágæti sáttmálans. „Ég myndi ekki koma með stjórnarsáttmála sem ég teldi ekki að væri góður.“

Tengdar fréttir

Alþingiskosningar 2016

Brutu lög með SMS-skilaboðum

• Skýrslan var tilbúin fyrir kosningar
• Lítill stuðningur við ríkisstjórnina
• „Báknið byggt upp“
• Gaf frá sér formennsku í þremur nefndum

» Fleiri tengdar fréttir

• 2 blogg um fréttina

Bloggað um fréttina

• Jóhannes Ragnarsson: Símon dalaskáld og Guðmundur dúllari tuttugustu og fyrstu aldar
• Páll Vilhjálmsson: Óttarr og félagssálfræði vinstrimanna