Jarðskjálfti af stærð 3,3 mældist klukkan 18.14 í norðaustanverðri Kötluöskjunni í kvöld, engir eftirskjálftar fylgdu að sögn jarðvísindamanna hjá Veðurstofu Íslands.
Klukkan 06.33 í morgun varð jarðskjálfti að stærð 3 vestar í öskjunni. Um þrjátíu minni skjálftar hafa fylgt í kjölfarið. Kl. 09.37 varð jarðskjálfti af stærð 3,9 í Bárðarbungu.
Þetta kemur fram á vef Veðurstofu Íslands.