Hundurinn Tinna, sem hefur verið týndur frá 30. desember, fannst dauður við höfnina í Keflavík í dag. Hundurinn fannst undir grjóti og var með áverka á hausnum. Annar eigandi hans, Ágúst Ævar Guðbjörnsson, tilkynnti um fundinn á Facebook-síðunni Leitin að Tinnu Keflavík/Reykjanes.
„Nú í dag fannst Tinna okkar því miður látin við smábátahöfnina í Keflavík. Þar hafði hún verið sett undir u.þ.b. 10 kg grjót og er greinilegt að andlát hennar sé af mannavöldum. Við höfum ekki nánari útskýringar á því af hverju eða hvernig Tinna lést, nema að hún hefur höfuðáverka sem af dýralæknum að dæma eru hugsanlega ekki eftir bíl. En það er ekki vitað,“ segir í tilkynningunni.
Hér er facebook-síðan um leitina.
Fjölmargir tóku þátt í leitinni að Tinnu.
Frétt mbl.is: „Myndi aldrei leggja svoleiðis á fólk“