Börn á nokkrum leikskólum í Reykjavík þurfa að vera heima í að minnsta kosti þrjá daga á næstu fimm vikum vegna manneklu.
Einn af þeim skólum sem hafa þurft að grípa til slíkra aðgerða er leikskólinn Heiðarborg í Árbæ, en þar vantar í eitt og hálft stöðugildi. Næstu fimm vikurnar þarf hvert barn á leikskólanum að vera heima í þrjá daga.
Ástandið á Heiðarborg er ekki einsdæmi, en grípa hefur þurft til sambærilegra aðgerða á fleiri leikskólum í borginni, að því er fram kemur í umfjöllun um ástandið í leikskólum borgarinnar í Morgunblaðinu í dag.