„Það er ekki oft sem það er svona snjólítið á láglendi í miðjum febrúar,“ segir Trausti Jónsson veðurfræðingur.
Hiti í febrúar hefur aðeins einu sinni verið meiri fyrstu 14 dagana í febrúar að sögn veðursagnfræðingsins Sigurðar Þórs Guðjónssonar en hann hefur fjallað um fádæma hlýja byrjun febrúarmánaðar.
Búast má þó við snjó og norðanátt í næstu viku, að því er fram kemur í umfjöllun um febrúarhlýindin í Morgunblaðinu í dag.