Undanfarið hefur aukist að íslenskir hjúkrunarfræðingar fari til starfa í Svíþjóð, þar sem þeim bjóðast hærri laun, betri vinnuaðstæður og styttri vinnuvika en hér.
Aftur á móti hefur dregið úr ferðum þeirra til Noregs í kjölfar breytinga á gengi norsku krónunnar, að því er Guðbjörg Pálsdóttir, formaður Félags íslenskra hjúkrunarfræðinga, segir í umfjöllun um mál hjúkrunarfrðæinga í Morgunblaðinu í dag.
Í gær var birt skýrsla um vinnumarkað íslenskra hjúkrunarfræðinga þar sem m.a. kemur fram að um 20% þeirra starfa við annað en hjúkrun og að alls vanti yfir 500 hjúkrunarfræðinga til starfa um allt land.