Samkeppniseftirlitið úrskurðaði í gær að kaup Límtrés Vírnets ehf. á öllu hlutafé í fyrirtækinu Bindir og Stál ehf. hindri ekki virka samkeppni á markaði í skilningi samkeppnislaga.
Samkeppniseftirlitinu var tilkynnt um fyrirhuguð kaup Límtrés Vírnets ehf. hinn 6. janúar 2017. Kaupin voru talin samruni og gerði Samkeppniseftirlitið mat á lögmæti samrunans með tilliti til þess að hvaða marki alþjóðleg samkeppni hefur áhrif á samkeppnisstöðu hins sameinaða fyrirtækis.
Samkeppniseftirlitið taldi ljóst að mikill munur væri á umræddum vörum hjá fyrirtækjunum tveimur. Tekið var fram að ekkert af því sem fyrirtækið Bindir og Stál ehf. býður upp á hefur verið framleitt eða selt af hálfu Límtrés Vírnets ehf.