Ungt fólk sýnir streitueinkenni

Mikil keyrsla er á ungu fólki á menntaskólaaldri.
Mikil keyrsla er á ungu fólki á menntaskólaaldri. mbl.is/Eggert

Nemendur í framhaldsskóla eru duglegir við að nýta sér sálfræðiþjónustu sem er í boði innan skólans. Þeir eru almennt opnir með að tjá sig um vandamálin sem þeir standa frammi fyrir og gera kröfu um að vera hamingjusamir. Hins vegar eru þeir undir miklu álagi og áreitið er mikið. Brýnt er að móta stefnu og skoða heildrænt hvernig sálfræðiþjónusta eigi að vera í framhaldsskólum.  

Þetta kom fram í erindi Bóasar Valdórssonar, sálfræðings við Menntaskólann í Hamrahlíð, á fundi samtakanna Náum áttum um einmanaleika og sjálfskaðandi hegðun ungs fólks í morgun. Bóas var ráðinn tímabundið sem sálfræðingur við Menntaskólann í Hamrahlíð í 75% stöðu til að sporna gegn brottfalli og tók til starfa í haust.  

Segja já við öllu

„Ungt fólk sýnir mikil streitueinkenni. Þau vilja ekki sleppa neinu og segja já við öllu því það er svo margt skemmtilegt í boði. Þau eru að klessa á vegg út af áreiti og álagi,“ segir Bóas og bendir á að það eru ekki bara samfélagsmiðlarnir sem trufla og gjarnan eru nefndir í þessu samhengi. Hann segir að það megi heldur ekki gleyma því að nemendur eru komnir í þriggja ára nám sem áður tók fjögur ár. Þau eru með þétta dagskrá í skóla, íþróttum, tónlistarnámi og svo þurfa þau líka að sinna félögunum og taka þátt í félagslífinu.

„Ég spyr líka hverjar eru fyrirmyndirnar? Auðvitað er eðlilegt að vera með samviskubit þegar við náum ekki að klára öll verkefnin sem við tökum að okkur,” segir Bóas og bendir á að í starfi sínu þarf hann að takast á við fjölbreytt verkefni og mörg þeirra snúast ekki síður um að setjast niður með einstaklingnum og fara yfir verkefnin og forgangsraða.  

Bóas Valdórsson sálfræðingur í Menntaskólanum við Hamrahlíð.
Bóas Valdórsson sálfræðingur í Menntaskólanum við Hamrahlíð. mbl.is/Eggert

Eðlilegt að álag í miklum breytingum

„Mér finnst mjög jákvætt hvað þau eru opin og vilja sækja í stuðning. Þau eru búin að fá þau skilaboð um að þeim eigi að líða vel. Þau hafa alist upp við að hafa bæði pabba og mömmu og afa og ömmu með sé á íþróttaleiki til að styðja þau,“ segir Bóas sem fær að jafnaði um fimm til 10 tölvupósta á viku frá nemendum sem óska eftir aðstoð. 

Hann tekur fram að þegar ungt fólk er á framhaldsskólaaldri gengur það í gegnum stórt þroskaskeið og miklar breytingar sem fela í sér álag og allar þær tilfinningar sem þeim fylgja. Það er eðlilegt. „Oftast þarf það að fá viðurkenningu og stuðning á því sem það er að ganga í gegnum og ákveðinn skilning á sjálfan sig,“ segir Bóas. Hann tekur fram að það sé ekki markmið að búa til vandamál heldur þvert á móti sýna stuðning og benda á leiðir.

Starf sálfræðings við framhaldsskóla hefur fyrst og fremst forvarnargildi og hann veitir almenna þjónustu. „Við tökum ekki að okkur þjónustu sem heilbrigðiskerfið á að sinna eins og skólahjúkrunarfræðingurinn tekur ekki að sér skurðaðgerðir. Heldur beinum við fólki í rétta átt,“ segir hann. Í þessu samhengi bendir hann á að sálfræðingur sem starfar innan skólans þarf að búa yfir fjölbreyttri þekkingu.    

Þarf að móta stefnu 

Lítil hefð er fyrir starfandi sálfræðing á Íslandi í framhalds- og menntaskólum til samanburðar við grunnskóla. Starfandi sálfræðingar eru í hlutastarfi í nokkrum skólum á þessu stigi á landinu. Starf þeirra er ólíkt eftir skólum og er til dæmis í samstarfi við sveitarfélög. „Það er meiri vitundarvakning núna og meiri umræða um þessi mál,“ segir Bóas. 

Hann kallar eftir stefnumótun um sálfræðiþjónustu á þessu skólastigi og heildstæðri úttekt á þjónustunni. „Við þurfum að ákveða hvert við stefnum og hvað við viljum. Sérstaklega þurfum við að búa til námsefni sem eru verkfæri sem við getum notað og nýtist breiðum hópi nemenda á þessum aldri,“ segir Bóas.  

Hann vill að ráðinn sé sálfræðingur inn í alla skóla. Hann er hins vegar bjartsýnn og tekur fram að í nýjum ríkissáttmála er kveðið á um sálfræðiþjónustu. 

mbl.is

Innlent »

Á að leiða til betri meðferðar

14:01 Notkun geislunar í læknisfræðilegum tilgangi hefur aukist jafnt og þétt á síðustu árum. Ekki er hins vegar ástæða til þess að óttast þá þróun, þar sem notkun hennar skili sér langoftast í betri heilbrigðisþjónustu við sjúklinga. Meira »

„Ég hef engu logið“

13:59 „Nú er nokkur tími liðinn frá því að mesta moldviðrið gekk yfir í málinu sem kennt er við uppreist æru.“ Þannig hefst færsla Hildar Sverrisdóttur, þingmanns Sjálfstæðisflokksins, þar sem hún fer yfir mál er varða uppreist æru en hún segir það hafa verið mikla reynslu fyrir nýjan þingmann. Meira »

Göngugötur í miðborginni á Airwaves

13:11 Nokkrum götum miðborgar Reykjavíkur verður breytt í göngugötur meðan tónlistarhátíðin Iceland Airwaves fer fram dagana 1. til 5. nóvember. Þetta var samþykkt í borgarráði í gær. Meira »

Kynnti sviðsmynd um minnkandi losun

13:10 Áætla má að Ísland þurfi að minnka árlegan útblástur gróðurhúsalofttegunda um allt að milljón tonn koldíoxíðs fyrir 2030. Hægt væri að ná um helmingi þessa samdráttar með aðgerðum í samgöngum. Meira »

Brutu gegn persónuverndarlögum

13:03 Persónuvernd hefur úrskurðað að Creditinfo hafi verið óheimilt að notast við upplýsingar um uppflettingar á vanskilaskrá við gerð skýrslu um lánshæfi einstaklinga. Fyrirtækinu var á hinn bóginn heimilt að nýta upplýsingar úr skattskrá og upplýsingar um að kvartandi hafi verið á vanskilaskrá. Meira »

Krefjast ekki lögbanns á Guardian

12:54 „Lögmenn eru búnir að hafa samband við Guardian. Guardian er búið að svara og við erum sáttir við þau svör,“ segir Ingólfur Hauksson, forstjóri Glitnis HoldCo, í samtali við mbl.is. Meira »

Óánægðari með ferðina til Íslands

12:03 Ferðamenn sem sækja Ísland heim eru óánægðari með ferðina í sumar miðað við sumarið á undan. Þetta kemur fram í tilkynningu frá Gallup. Meira »

Losun verður að líkindum yfir heimildum

12:32 Umhverfisstofnun hefur skilað til umhverfisráðuneytisins greiningu á stöðu Íslands gagnvart skuldbindingum sínum á öðru tímabili Kýótó-bókunarinnar. Stofnunin telur líklegt að Ísland verði ekki innan heimilda á tímabilinu og þurfi að kaupa heimildir til þess að standa við skuldbindingar sínar, sem nemi um 3,6 milljónum tonna af koldíoxíðígildum fyrir tímabilið í heild. Meira »

Skýrsla um áfellisdóma yfir ríkinu

11:59 Íslenskir dómstólar hafa stundum vanrækt að taka afstöðu til þess hvort þau málefni sem fjölmiðlar fjalla um eiga erindi við almenning eða ekki. Þetta er á meðal þess sem fram kemur í nýrri skýrslu Mannréttindastofnunar Háskóla Íslands um dóma Mannréttindadómstóls Evrópu um tjáningarfrelsi. Meira »

Felldar niður vegna flóðastöðu

10:59 Ferðir Herjólfs frá Vestmannaeyjum klukkan 11 og frá Landeyjahöfn klukkan 12.45 hafa verið felldar niður vegna flóðastöðu.  Meira »

„Forsíðan er svert í mótmælaskyni“

10:50 „Þarna er ekki aðeins vegið að tjáningarfrelsinu, grafið undan stöðu frjálsra fjölmiðla og rannsóknarblaðamennsku, heldur er verið að beita valdi til að koma í veg fyrir að fólk fái upplýsingar sem það á rétt á,“ segir Ingibjörg Dögg Kjartansdóttir, ritstjóri Stundarinnar. Meira »

Færri búa í leiguhúsnæði

10:45 Þeim Íslendingum sem búa í leiguhúsnæði hefur fækkað um 3,5% á síðastliðnum 12 mánuðum. Á móti hefur þeim sem búa í foreldrahúsum fjölgað um tæp 2 prósentustig. Meira »

„Eru umtalsverðar upphæðir“

10:45 Öllum farþegum flugfélagsins Air Berlin, sem áttu bókað flug með vél félagsins sem var kyrrsett í Keflavík, var boðin ferð með annarri vél félagsins sem var á leið til sama lands og kyrrsetta vélin. Meira »

Áfram tekist á um dómara í Stím-máli

10:09 Héraðsdómur hafnaði í dag kröfu verjenda í Stím-málinu svokallaða um að Hrefna Sigríður Briem, sérfróður meðdómari í málinu myndi víkja. Áður hafði Hæstiréttur hafnað kröfu um að dómsformaðurinn Símon Sigvaldason myndi víkja. Verjendur í málinu ætla allir að kæra úrskurðinn. Meira »

Boðflennur á fundi sjálfstæðismanna

09:17 „Ég var sérstaklega ungur í anda þarna í gærkvöldi,“ segir Brynjar Níelsson, þingmaður Sjálfstæðisflokksins, sem í gær hélt erindi á kvöldi á vegum Ungra sjálfstæðismanna um veip, eða rafrettur. Meira »

Grátbiðja um að fá að vera hér áfram

10:12 „Við viljum bara búa á Íslandi,“ segir Nasr Mohammed Rahim. Blaðamaður hittir hann, eiginkonu hans, Sobo Anwar Hasan, og ungt barn þeirra í Vesturbæ Reykjavíkur þar sem þau dvelja. Dvölinni lýkur þó eftir nokkra daga en umsókn þeirra um hæli á Íslandi var endanlega hafnað fyrir tveimur vikum. Meira »

Neyðarákall vegna barna rohingja

09:53 UNICEF sendir frá sér alþjóðlegt neyðarákall vegna gríðarlegrar neyðar barna rohingja sem hafa þurft að flýja ofbeldisöldu í Mjanmar yfir til Bangladess síðustu vikur. Síðan 25. ágúst hafa meira en 528.000 rohingjar flúið hræðilegt ofbeldi, þar af 58% börn. Meira »

Umhverfisþing hafið í Hörpu

09:14 Umhverfisþing hófst í Hörpu í morgun með ávarpi Bjartar Ólafsdóttur, umhverfis- og auðlindaráðherra. Það er haldið samkvæmt ákvæðum náttúruverndarlaga og að þessu sinni verða loftslagsmál meginefni þingsins. Meira »

Skoðanakannanir

[ Nánar | Allar kannanir í CSV-skrá ]

Mátturinn eða dýrðin - Greinaflokkur

Sumarhús – Gestahús – Breytingar O?Fram
Sumarhús - Gestahús - Breytingar ? Framleiðum stórglæsileg sumarhús í ýmsum stær...
INTENSIVE ICELANDIC and ENGLISH f. foreigners - ÍSLENSKA f.útl - ENSKA -
START/BYRJA: 30/10, 27/11 - 2018: 8/1, 5/2, 5/3, 2/4, 30/4, 28/5, 25/6: 4 weeks...
Dyrasímar - Raflagnir
Dyrasímaþjónusta, geri við eldri kerfi og set upp ný, fljót og góð þjónusta Sí...
 
Fyrirtæki í reykjavík
Önnur störf
Fyrirtæki í Reykjavík óskar eftir ...
Samkoma
Félagsstarf
Samkoma kl. 20 í Kristniboðs- salnum. R...
Verkefnisstjóri
Stjórnunarstörf
Verkefnisstjóri Stjór...
Aðalskipulag
Tilkynningar
Lýsing breytingar Aðalski...