Lögreglan á Akureyri mun hefja rannsóknarvinnu í fóðurverksmiðjunni Bústólpa á Akureyri í dag. Ekkert er vitað um tjón eða eldsupptök.
Slökkviliðið á Akureyri segir að vinnu á staðnum hafi lokið upp úr miðnætti.
Mikill eldsmatur er í húsinu en vel gekk að slökkva eldinn í gærkvöldi. Kláraðist sú vinna á 45 mínútum.
Eldurinn kom upp á vörulager og eftir það lagði reyk yfir hluta af skrifstofurými byggingarinnar.