Niðurgreiddir vetnisbílar verða í boði þegar fyrsta vetnisstöð Skeljungs verður opnuð snemma á næsta ári.
Kaup á bílunum eru háð því að gögn úr aksturstölvu verði afhent Íslenskri nýorku í rannsóknar- og þróunarskyni, að því er fram kemur í fréttaskýringu um mál þetta í Morgunblaðinu í dag.
Niðurgreiðslurnar koma úr 400 milljóna króna Evrópustyrk sem Skeljungur og Íslensk nýorka fengu til að hefja innviðauppbyggingu fyrir vetnisbíla hér á landi.