Greiðfært er á Suður- og Vesturlandi samkvæmt upplýsingum frá Vegagerðinni. Einnig er víða greiðfært á Vestfjörðum. Krapi er þó á Hrafnseyrarheiði en þæfingsfærð og skafrenningur á Dynjandisheiði. Þoka er á fjallvegum á sunnanverðum fjörðunum.
Vegir á Norðurlandi eru víðast auðir en þó eru hálkublettir á Dettifossvegi. Greiðfært er á Austur- og Suðausturlandi. Jeppafært er um Mjóafjarðarheiði.