Aðgerðum sérsveitar ríkislögreglustjóra og lögreglunnar á Suðurnesjum vegna manns í annarlegu ástandi í Grindavík lauk um klukkan eitt í nótt. Málið leystist farsællega, engan sakaði en maðurinn var handtekinn í tengslum við rannsókn málsins.
Tekin verður af honum skýrsla í dag.
Aðgerðir höfðu staðið yfir frá klukkan 19 í gærkvöldi og tók fjölmennt lið lögreglu þátt í þeim, enda höfðu íbúar safnast saman þar sem lögreglan athafnaði sig. Sem fyrr segir fór allt vel að lokum.