Sek um að trúa á bjartsýni formannsins

Stefán vonast til þess að Neytendasamtökin hljóti ekki álitshnekki vegna ...
Stefán vonast til þess að Neytendasamtökin hljóti ekki álitshnekki vegna deilnanna. mynd/Kristinn Ingvarsson

Pattstaða ríkir í stjórn Neytendasamtakanna að sögn Stefáns Hrafns Jónssonar, stjórnarmanns í samtökunum, en stjórnin lýsti yfir vantrausti á formanninn, Ólaf Arnarson, í byrjun maí. Sjálfur segist formaðurinn ætla að gegna skyldum sínum áfram og að hann hafi lýst vilja sínum til að lægja öldurnar í samtökunum. Í gær reyndi stjórnin að funda, en Ólafur sleit fundinum í raun áður en hann hófst, vegna tillögu um að kosið yrði um fundarstjórn. Þá sagði varaformaður samtakanna, Steinunn Ása Atladóttir, sig úr í stjórninni í gær. 

Stefán segir óljóst hvað gerist næst í málinu. Hvort það þýði nokkuð að reyna að fá annan fund á meðan ástandið er svona. „Fundurinn í gær var ansi stuttur, ég hef ekki setið á styttri fundi. Ég er hissa ef maðurinn er að leita sátta að hann sé ekki tilbúinn að ræða við stjórn, og láta karp um val á fundarstjóra hafa þessi áhrif. Hann segir í fjölmiðlum að hann vilji leita sátta, en þetta voru ekki tilburðir í þá áttina,“ segir Stefán og heldur áfram: „Lög samtakanna eru ekkert mjög nákvæm og þau þarf að endurskoða. Þau eru ekkert mikið að hjálpa okkur í þessum vanda. Þegar þau eru sett þá er ekki gert ráð fyrir að þessi staða geti komið upp.“ Ein leið í stöðunni getur hins vegar verið að stjórn og formaður ræði óformlega saman á milli funda.

Ekki hægt að reka samtök á bjartsýni

Það er mat meirihluta stjórnar samtakanna að Ólafur hafi ítrekað leynt stjórnina upplýsingum og skuldbundið samtökin efnum framar. Kom það fram í yfirlýsingu sem meirihlutinn sendi frá sér í gær. Þar kom jafnframt fram að formaður hefði gengið til samninga um rekstur smáforrits með þeim orðum að það yrði samtökunum að kostnaðarlausu. Í ljós hafi hins vegar komið að smáforritið er kostnaðarsamt. „Það kom okkur á óvart að um væri að ræða svona háa upphæð. Það var fullt af fólki í stjórn sem upplifði það eftir fundi að samstarfið um forritið ætti ekki að fela í sér kostnað, þó að það sé mjög auðvelt að sýna fram á hvernig hann til kom,“ segir Stefán

Frétt mbl.is: „Leyndi ítrekað upplýsingum“

Þá mun Ólafur hafa látið leiðrétta laun sín afturvirkt og leigt bifreið sem hentaði ekki fjárhagsstöðu samtakanna. Stefán segir hins vegar að þessi atriði hafi ekki haft úrslitaáhrif hvað varðar vantraust í garð formannsins.

„Kjarninn í þessu er ekki bíllinn eða launin. Það þarf að líta á þetta í aðeins stærra samhengi. Við höfum til dæmis kallað eftir rekstraráætlun. Við fengum drög að henni 2. apríl, sem er frekar seint. Það voru bara drög, en við teljum mikilvægt að í rekstrinum sé stuðst við rekstraráætlun svo það sé hægt að meta tilteknar ákvarðanir. Við vorum að bíða eftir því. Það má kannski segja að stjórnin hafi helst gerst sek um að trúa á bjartsýni formannsins um auknar tekjur. Það er hins vegar erfitt að reka samtök í þröngri stöðu á bjartsýni.“

Stefán segist aldrei hafa setið styttri fund en þann hjá ...
Stefán segist aldrei hafa setið styttri fund en þann hjá stjórn samtakanna í gær. Aðsend mynd

Stefán veit í raun ekki hvað gerist næst en er að kynna sér hvernig best er að taka á málum sem þessum. „Ég fékk gefins bók um stjórn og rekstur félagasamtaka og er að kynna mér hvað maður gerir í svona málum. Ég er þarna í sjálfboðavinnu og að reyna að leggja mitt af mörkum til að skapa betra neytendaumhverfi. Þetta eru hins vegar aðstæður sem ég hef ekki verið í áður. Ég veit því ekki hvað gerist næst. Það er vissulega mikilvægt að finna lausn, en það er rétt sólarhringur síðan síðasti fundur var haldinn.“

Stjórnarmenn geta krafist þess að fá fund en hann þarf að boða með ákveðnum fyrirvara. „Ég veit hins vegar ekki hvort við eigum að vera að eyða tíma í það ef það er ekki vilji til halda fund öðruvísi en að slíta honum samstundis.“

Vonar að samtökin skaðist ekki

En getur stjórnin starfað áfram með formanni sem hún er búin að lýsa yfir vantrausti á? „Ég tel að það sé mjög erfitt fyrir formann að starfa ef hann hefur ekki stjórnina með sér. Það er ýmislegt sem þarf að samþykkja og ræða. Það er þó ekki útilokað að formaður geti unnið traust aftur, en þá þarf að gera einhverjar breytingar frá því sem nú er.“

Samkvæmt lögum Neytendasamtakanna er það ekki í höndum stjórnar að koma formanni frá, enda er hann kosinn á þingi samtakanna. Að sögn Stefáns eru því bara tveir möguleikar í stöðunni; formaður situr áfram eða segir sjálfur af sér.

Frétt mbl.is: „Ég setti fundinn og sleit honum“

Ólafur hefur hins vegar gefið það út að hann ætli sér að rækja þær skyldur sem hann hafi að gegna gagnvart samtökunum. Í samtali við mbl.is í gær sagði hann jafnframt: „Þetta fólk var sjálf­kjörið í stjórn­ina. Þing Neyt­enda­sam­tak­anna tók ekki af­stöðu til þessa fólks þar sem það voru tólf fram­bjóðend­ur í tólf stjórn­ar­sæti. Þannig að ef menn ætla að fara að met­ast um lýðræðis­legt umboð þá held ég að mitt sé mun sterk­ara.“

Aðspurður segir Stefán Neytendasamtökin vel starfhæf þrátt fyrir deilur stjórnar, enda sé öflugt fólk sem starfar á skrifstofunni, sinnir þar verkefnum og leiðbeinir félagsmönnum í málefnum sem koma að samtökum. Þá vonast hann til að samtökin beri ekki mikla álitshnekki vegna deilnanna. „Samtökin standa ekki og falla með einstaka stjórnarmönnum og ég vona að þetta hafi ekki skaðað samtökin mikið, þótt það megi búast við einhverjum áhrifum.“

mbl.is

Innlent »

„Hver veit hvenær þeir koma loks heim“

Í gær, 22:50 Ingi Freyr Sveinbjörnsson er nú strandaglópur í Stokkhólmi í Svíþjóð vegna verkfalls flugvirkja Icelandair. Hann og félagi hans, Ísak Andri, eiga að baki langt ferðalag frá Suður-Kóreu þar sem þeir voru að kynna Sled Dogs-snjóskauta. Meira »

Hver klukkustund telur

Í gær, 22:21 Helga Árnadóttir, framkvæmdastjóri Samtaka ferðaþjónustunnar, segir félagsmenn hafa miklar áhyggjur af yfirstandandi verkfalli flugvirkja Icelandair. Meira »

Samningar ekki í sjónmáli

Í gær, 21:59 „Við eigum eftir að sitja hérna fram á kvöld og nótt geri ég ráð fyrir,“ segir Gunnar R. Jónsson, formaður samninganefndar flugvirkja, í samtali við mbl.is. Fundur vegna kjaradeilu flugvirkja og Icelandair hefur staðið yfir síðan klukkan fimm í dag. Meira »

Fólk komist leiðar sinnar í fyrramálið

Í gær, 21:01 Von er á því að allir strandaglópar dagsins í dag komist í áttina til áfangastaðar í fyrramálið. Þetta segir Guðjón Arngrímsson, upplýsingafulltrúi Icelandair, í samtali við mbl.is. Að hans sögn hefur fólkinu fækkað töluvert í flugstöðinni frá því í dag. Meira »

Segir flugvirkja Icelandair sjálfselska

Í gær, 19:52 Icelandair er orð sem mikið er notað er á Twitter í dag. Margir þeirra farþega sem hafa orðið fyrir óþægindum vegna verkfalls flugvirkja, sem hófst klukkan sex í morgun, hafa tjáð sig á samfélagsmiðlum í dag. Meira »

Eldur í bifreið í Kópavogi

Í gær, 19:44 Slökkviliðinu á höfuðborgarsvæðinu barst tilkynning um eld í bifreið á Arnarnesvegi í Kópavogi um klukkan 19:10 í kvöld. Engin slys urðu á fólki og búið er að slökkva eldinn. Meira »

Minntust Klevis við Tjörnina

Í gær, 18:20 Um hundrað manns komu saman við Tjörnina í Reykjavík í dag og kveiktu á kerti til að minnast Klevis Sula, sem lést 8. desember síðastliðinn í kjölfar hnífstunguárásar í miðbæ Reykjavíkur. Klevis fæddist hinn 31. mars 1997 og var því tvítugur þegar hann lést. Meira »

Völd og kynlíf í ljósi #metoo

Í gær, 19:35 Íslensk vinnustaðamenning og í raun þjóðfélagið í heild sinni er litað af hegðun sem stjórnast af kvenfyrirlitningu, það er erfitt að finna annað orð sem nær utan um hegðunina sem hver hópurinn af öðrum hefur stigið fram og lýst á undanförnum vikum. mbl.is ræddi við nokkra karla um metoo-byltinguna. Meira »

„Þeirra er ábyrgðin“

Í gær, 17:37 Formaður Rafiðnaðarsambands Íslands segir hjákátlegt að fylgjast með ráðherrum ríkisstjórnarinnar og fulltrúum Samtaka atvinnulífsins vara við því að flugvirkjar fái 20 prósenta launahækkun því þá muni allt fara á hliðina. Meira »

„Þú vildir þetta, þú veist það“

Í gær, 17:23 Karlmaður var á föstudag fundinn sekur um að hafa nauðgað stúlku á heimili hennar árið 2016. Hvorugt þeirra hafði náð 18 ára aldri á þeim tíma. Var hann dæmdur í þriggja ára óskilorðsbundið fangelsi ásamt því að greiða henni 1,5 milljónir í miskabætur. Meira »

Gríðarlegur fjöldi bíður svara

Í gær, 16:20 Gríðarlegur fjöldi fólks bíður nú eftir afgreiðslu á söluskrifstofu Icelandair á Keflavíkurflugvelli. Isavia hefur kallað út aukamannskap til þess að reyna að sinna fólkinu sem bíður þess að fá svör frá Icelandair. Meira »

Var sagt að redda sér sjálf

Í gær, 16:05 Hljómsveitin amiina og fjölskyldumeðlimir þeirra eru strand í München eftir að flugi þeirra var aflýst vegna verkfallsaðgerða flugvirkja Icelandair. María Huld Markan Sigfúsdóttir, meðlimur hljómsveitarinnar, segir Icelandair hafa fullvissað sveitina um að þau þyrftu ekki að taka flug fyrr. Meira »

Boðað til fundar hjá ríkissáttasemjara

Í gær, 15:48 Samninganefndir Flugvirkjafélags Íslands og Icelandair munu hittast á ný á fundi í húsakynnum ríkissáttasemjara klukkan fimm í dag, en samninganefndirnar funduðu til klukkan þrjú í nótt, þegar upp úr viðræðunum slitnaði. Verkfall flugvirkja hófst klukkan sex í morgun. Meira »

Kvörtunum rignir yfir Icelandair

Í gær, 13:21 Ósáttir farþegar Icelandair kvarta nú sáran á samfélagsmiðlum vegna áhrifa verkfallsaðgerða flugvirkja á ferðaáætlanir þeirra. Margir leita einfaldlega svara. Meira »

„Feginn að þú ert ekki forstjóri“

Í gær, 11:51 100 milljarðar í innviðauppbyggingu sem Sjálfstæðisflokkurinn hét fyrir síðustu kosningar munu skila sér. Þetta sagði Páll Magnússon í þættinum Silfrinu. Fjárframlög til heilbrigðiskerfisins voru til umræðu og sagðist Páll telja Landspítalann fá of mikið í nýju fjárlagafrumvarpi. Meira »

Búast má við hláku og vatnavöxtum

Í gær, 15:27 Búast má við talsverðri hláku á landinu næsta einn og hálfan sólarhringinn. Sunnan- og suðaustanlands verður talsverð rigning í nótt og aftur mikil rigning annað kvöld. Þar fellur úrkoman að miklu leyti á frostkalda jörð sem getur valdið því að vatn safnast fyrir, t.d. í dældum í landslagi og á vegum. Meira »

Var bara tilkynnt niðurstaðan

Í gær, 11:59 Ákveðið hefur verið að leggja niður Geðheilsu- og eftirfylgdarteymi (GET), sem starfað hefur innan heilsugæslunnar undanfarin fimmtán ár. Forstöðumaður teymisins segir um mikla afturför að ræða og stór hópur muni líða fyrir ákvörðunina. Meira »

„Verða að ná saman í dag“

Í gær, 11:38 Halldór Benjamín Þorgeirsson, framkvæmdastjóri Samtaka Atvinnulífsins, segir nauðsynlegt að funda í kjaradeilu flugvirkja í dag. Fundi var slitið um þrjú leytið í nótt og enn hefur ekki verið boðað til fundar á ný. Meira »

Börnin sem kerfið gleymdi

UHD skjáir ( 4k )
Upplýsingar gefur Ólafur hjá Varmás ehf. sími 566 8144 ...
NUDD- LÁTTU DEKRA VIÐ ÞIG.
HEITIR STEINAR OG OLIA- STURTA OG HANDKLÆÐI Á STAÐNUM NUDD GEFUR SLÖKUN OG...
Iðnaðarhúsnæði óskast
Erum að leita af iðnaðarhúsnæði til leigu, 200-400m2 á höfuðborgarsvæðinu með há...
Íslensk fornrit og Saga Íslands
Íslensk fornrit til sölu, Íslendingasögur og Landnáma, bindi 1-12 og 14. Saga ...
 
Aðalskipulag breyting
Tilkynningar
Kynning á tillögum um breytingar á a...
Aðalfundur
Fundir - mannfagnaðir
Aðalfundur Skúlagarðs hf. vegna reikn...
Tilboð óskast skólavegi
Húsnæði í boði
TILBOÐ ÓSKAST í húseignina Skólaveg 3 ...
Aðalskipulag snæfellsbæjar
Fundir - mannfagnaðir
Auglýsing á aðalskipulagi Snæfellsbæ...