Búið er að selja stóru fílsstyttuna í Costco en styttan kostaði 499.999 krónur. Árvökull neytandi greindi frá þessu í Costco-hópnum á Facebook.
Ekki kemur fram hver keypti fílinn en fyrir stuttu keypti Gunnar Páll Tryggvason, fjármálaráðgjafi og meðeigandi hjá Icora Partners, gíraffa í sömu verslun. Gíraffinn var töluvert ódýrari en hann kostaði 300.000 krónur.
Starfsmenn Costco hafa hengt miða á fílinn þar sem stendur einfaldlega „sold“. Fíllinn bíður eftir því að eigandi hans sæki hann.