John Snorri Sigurjónsson, sem hyggst verða fyrstur Íslendinga upp á topp K2 í Pakistan, leggur af stað úr fjórðu og jafnframt síðustu búðunum upp á topp klukkan 17 að íslenskum tíma í dag. Áætlað er að það taki um tíu klukkustundir að klífa upp á topp.

Hópurinn þurfti að seinka ferð sinni upp á topp um tæpan sólarhring meðal annars vegna þess að hópurinn var örþreyttur þegar hann komst upp í síðustu búðirnar. Sú ganga var vægast sagt krefjandi. 

Ferðin úr þriðju búðum tók um 12 klukku­stund­ir en hefði í raun átt að taka um sex stund­ir. Svartaþoka, drun­ur frá snjóflóðum, snjó­hengj­ur og sprung­ur í fjall­inu settu mark sitt á þá för, eins og fram kom í viðtali við John Snorra á mbl.is úr fjórðu búðum í gær. 

Tengdar fréttir

John Snorri

Segir frásögn norsku fjallgöngukonunnar uppspuna

• Beðin að klippa á taug Johns Snorra
• Snjóflóðahætta fólgin í að færa lík Johns Snorra
• Ekki tókst að færa John Snorra
• Fundar með forsetanum á morgun

» Fleiri tengdar fréttir

• Blogga um frétt